नांदुरशिंगोटे (जि. नाशिक) : सिन्नर आगारातर्फे नांदुरशिंगोटे येथे लालपरी अर्थात बससेवेला ७५ वर्ष पूर्ण झाल्यानिमित्त लालपरीची श्रीफळ वाढवून पूजा करण्यात आली. येथील बसस्थानकावर (Bus Stand) उपसरपंच निवृत्ती शेळके यांच्या अध्यक्षतेखाली कार्यक्रम झाला. युवा नेते दीपक बरके, व्हीपी नाईक हायस्कूलचे अध्यक्ष संदीप भाबड, नाना पाटील शेळके, भारत दराडे आदी उपस्थितीत होते. (MSRTC bus completes 75 years Bus worship at station in Nandurshingote Nashik News)

महामंडळाचे सोपान बोडके, भारत शेळके तसेच कॅन्टींगचालक बंसी पवार, एकनाथ गवारे आदींसह प्रवासी वर्ग व विद्यार्थी विद्यार्थिनी उपस्थित होत्या. दत्तात्रय सानप यांच्यासह उपस्थितांनी एसटी संदर्भात माहिती दिली. या लालपरीमुळे होणारी सोय, प्रवाशांचे फायदे याबाबत माहिती दिली. अमृतमहोत्सवी वर्षानिमित्त चालक-वाहकांना शुभेच्छा देण्यात आल्या.