नाशिक रोड : येथील रेल्वे स्थानकाअंतर्गत येणाऱ्या ७४ किलोमीटरच्या कसबे सुकेने ते इगतपुरी या रेल्वे लाईन दरम्यान ४६ व्यक्तींनी आत्महत्या केल्याची नोंद जानेवारी ते सप्टेंबर २०२४ या आठ महिन्यांत झाली आहे. त्यामुळे रेल्वेखाली आत्महत्या करणाऱ्यांची संख्या वाढल्याचे आरपीएफचे पोलिस निरीक्षक हरफुलसिंह यादव यांनी सांगितले. (46 people lost their lives on railway track in eight months)

नाशिक रोड रेल्वे स्टेशनच्या आसपास आत्महत्या करणाऱ्यांची संख्या वाढली आहे. त्यात पवारवाडी, देवळाली, भगूर, रेल्वेलाईन तसेच देवळाली कॅम्प रेल्वे स्टेशनपासून तर इगतपुरी दरम्यान रेल्वेखाली आत्महत्या करणाऱ्यांची संख्या लक्षणीय आहे. अनेक आत्महत्या लोकांच्या प्रसंगावधानाने वाचल्या आहेत.

तर रिमोट परिसरामध्ये रेल्वे खाली आत्महत्या होतच राहतात. एकट्या सप्टेंबर महिन्यामध्ये सहा लोकांनी आत्महत्या केल्याची नोंद सरकार दप्तरी करण्यात आली आहे. त्यामुळे रेल्वे रुळाच्या आसपास राहणाऱ्या लोकांना हे भयानक वास्तव पाहायला मिळत आहे. आरपीएफचे साठ कर्मचारी वेगवेगळ्या गाड्यांमध्ये तैनात असतात. अनेकवेळा आरपीएफच्या कर्मचाऱ्यांनी संभाव्य आत्महत्या करणाऱ्या व्यक्तींना त्यापासून रोखल्याचे सांगण्यात आले. (latest marathi news)

"कसबे सुकेने ते पवारवाडी दरम्यान आणि देवळाली ते इगतपुरी दरम्यान रेल्वे लाईनला आत्महत्या करणाऱ्यांचे प्रमाण वाढले आहे. जानेवारी ते सप्टेंबर दरम्यान ४६ लोकांनी रेल्वेखाली आत्महत्या केली. अनेक अपघात आरपीएफच्या जवानांमुळे आणि रेल्वेच्या कर्मचाऱ्यांमुळे वाचले आहेत."- हरफुलसिंह यादव, पोलिस निरीक्षक आरपीएफ नाशिक रोड