Nashik Polio Vaccination : राष्ट्रीय पल्स पोलिओ लसीकरण मोहिमेमुळे गेल्या अनेक वर्षांपासून एकही पोलिओ रुग्ण आढळलेला नाही. यापुढेही रुग्ण मिळायला नको, यासाठी एकही मुल पोलिओ लसीकरण मोहिमेपासून वंचित राहता कामा नये अशी सूचना जिल्हाधिकारी जलज शर्मा यांनी केली. जिल्हा सामान्य रुग्णालयात रविवारी (ता. ३) पल्स पोलिओ मोहिमेचा शुभारंभप्रसंगी ते बोलत होते. (Nashik Collector Jalaj Sharma statement of polio vaccination marathi news)

यावेळी राज्य कुटुंब कल्याण कार्यालय पुणे, उपसंचालक डॉ. गोविंद चौधरी, जिल्हा माता व बालसंगोपन अधिकरी डॉ. हर्षल नेहेते, वैद्यकीय अधिकारी डॉ. संदीप सूर्यवंशी, डॉ. प्रकाश नंदापुरकर डॉ. दीपक लोणे, डॉ. रोहन बोरसे आदी उपस्थित होते. यावेळी जिल्हाधिकारी शर्मा यांनी एका बालकास दोन थेंब देवून लसीकरणाचा शुभारंभ केला.

जिल्हा परिषदेच्या मुख्य कार्यकारी अधिकारी आशिमा मित्तल, जिल्हा आरोग्य अधिकरी डॉ. सुधाकर मोरे व अतिरिक्त जिल्हा आरोग्य अधिकारी राजेंद्र बागूल, सहाय्यक जिल्हा आरोग्य अधिकारी डॉ. युवराज देवरे यांच्या मार्गदर्शनाखाली आरोग्य विभागाने प्रत्येक गावात, बस स्थानक, रेल्वे स्टेशन याठिकाणी पोलिओ लसीकरण केले.

जिल्हा आरोग्य विभागामार्फत शून्य ते पाच वयोगटातील बालकांना विविध ठिकाणी लसीकरण करण्यात आले. जिल्ह्यात चार लाख २५ हजार ९४५ बालकांना डोस देण्यात येणार आहे. त्यापैकी साधारणत: ३ लाख ६३ हजार बालकांनी (८९.११ टक्के) पोलिओ डोस घेतला नगरपालिका व नगरपंचायत क्षेत्रातील ५५ हजार ८८४ बालकांपैकी ४९ हजार (७२.१२ टक्के) बालकांनी डोस घेतला. लस देण्यात येणार आहे. (latest marathi news)

मालेगाव महापालिका क्षेत्रातील एक लाख १३ हजार ९२० बालकांपैकी ५६ हजार ८३८ बालकांनी (५० टक्के) रविवारी पोलिओ डोस घेतल्याची माहिती प्रजनन व बालसंगोपन अधिकारी डॉ. अलका भावसार यांनी दिली.

आजपासून घरोघरी लसीकरण

शंभर टक्के लसीकरण करण्यासाठी आरोग्य विभागामार्फत सोमवारपासून पाच दिवस घरोघरी लसीकरण मोहीम राबवण्यात येणार आहे. मंगळवार (ता. ५) पासून तीन दिवस ग्रामीण भागात घरोघरी जाऊन मुलांना आयपीपीआय करण्यात येणार आहे.

बोलके आकडे

विभाग लक्षांक उदिष्टपूर्ती

जिल्हा आरोग्य विभाग ४ लाख २५ हजार ९४३ ३ लाख ६३ हजार

नगरपालिका व नगरपंचायती ५५ हजार ८८४ ४९ हजार

मालेगाव महापालिका एक लाख १३ हजार ९२० ५६ हजार ८३८