Nashik Crime News : आडगाव नाका येथील क्लासच्या कार्यालयातून लॅपटॉप चोरीच्या गुन्ह्यातील अट्टल घरफोड्याला आडगाव पोलिसांनी अटक केली आहे. प्रेम अशोक खलसे (रा. शिवमुद्रा चौक, इच्छामणी नगर, आडगाव शिवार) असे अटक करण्यात आलेल्या संशयित घरफोड्याचे नाव आहे. (Nashik Crime Adgaon police arrested house burglar marathi news)

विलास दिलीप महाजन (रा. श्रीराम नगर, आडगाव शिवार) यांच्या फिर्यादीनुसार, बुधवारी (ता. १०) आडगाव नाका येथे असलेल्या त्यांच्या क्लासच्या कार्यालयातून ३० हजारांचा लॅपटॉप अज्ञात चोरट्याने चोरून नेला होता. याप्रकरणी आडगाव पोलिसात गुन्हा दाखल आहे.

आडगाव पोलिसांच्या गुन्हेशोध पथकाने तपास करीत असताना अंमलदार दादासाहेब वाघ यांना संशयित खलसेची खबर मिळाली होती. त्यानुसार पथकाने वृंदावननगर परिसरात सापळा रचला आणि संशयित खलसे याला अटक केली. त्याची कसून चौकशी केल्यानंतर त्याने गुन्ह्याची कबुली दिली.  (latest marathi news)

त्याच्याकडून ३० हजारांचा चोरीचा लॅपटॉप जप्त करण्यात आला. सदरची कामगिरी आडगावचे वरिष्ठ पोलीस निरीक्षक प्रविण चव्हाण यांच्या मार्गदर्शनाखाली सहायक निरीक्षक निखिल बोंडे, उपनिरीक्षक प्रवीण दाईगडे, मयुर विक्रम, सुरेश नरवडे, देवराम सुरंजे, निलेश काटकर, दादासाहेब वाघ यांच्या पथकाने बजावली.