Nashik News : सातपूर औद्योगीक वसाहतीतील अशोकनगर भागात आर्थिक देवाणघेवाणीतून एकाला कारमध्ये डांबून अपहरण करीत बेदम मारहाणीचा धक्कादायक प्रकार समोर आला. मारहाणीनंतर कर्जदारास निर्जनस्थळी सोडून दिल्यानंतर सावकाराच्या तावडीतून सुटलेल्या संबंधिताने पोलीसात धाव घेतल्यानंतर या प्रकाराला वाचा फुटली. (Nashik Crime One was kidnapped and brutally beaten by financial exchange)

तसेच यानिमित्ताने बेकायदा सावकारी चर्चेत आली असून याप्रकरणी सातपूर पोलिस ठाण्यात गुन्हा दाखल करण्यात आला आहे. शंतनू जाधव (रा.नाशिक रोड) असे गुन्हा दाखल झालेल्या संशयित अपहरणकर्त्यांचे नाव आहे.

याबाबत योगेश पांडुरंग हिरे (४५ रा. जाधव संकुल,अशोकनगर) यांनी फिर्याद दिली आहे. तक्रारदार हिरे व संशयित जाधव यांच्यात आर्थिक व्यवहार आहेत. सोमवारी (ता.१७) जाधव कार घेऊन घरी आला. (latest marathi news)

त्याने हिरे यांना त्याच्या कारमध्ये बसवून नाशिक रोडला त्याच्या घरी नेले. त्यानंतर देवळाली भगूर मार्गे वाडिवऱ्हे परिसरात निर्जनस्थळी शिवीगाळ व दमदाटी करीत हिरे यांना मारहाण केली.

तसेच हिरे यांना या ठिकाणी सोडून देत निघून गेल्यानंतर हिरे यांनी कसे बसे घर गाठून पोलीसात धाव घेतली असून याप्रकरणी पोलिस दप्तरी अपहरणासह मारहाणीचा गुन्हा दाखल करण्यात आला आहे. अधिक तपास उपनिरीक्षक नळकाडे करीत आहेत.