Nashik Crime News : आडगाव येथील मेडिकल कॉलेज जवळील परिसरामध्ये तलवार घेऊन दहशत पसरविणाऱ्या संशयित गुन्हेगाराला शहर गुन्हे शाखेच्या युनिट एकच्या पथकाने अटक केली. रोहित नवनाथ राऊत (रा. राऊत मळा, मेडिकल कॉलेजसमोर, आडगाव) असे अटक केलेल्या संशयिताचे नाव आहे. (Nashik Crime suspected criminal spread terror with sword was arrested)

शहर गुन्हे शाखेच्या युनिट एकचे हवालदार प्रवीण वाघमारे यांना संशयित राऊत तलवार बाळगून असल्याची खबर मिळाली. त्यानुसार पथकाने सापळा रचून त्यास अटक केली.

त्याच्याकडून १ हजाराची स्टीलची तलवार जप्त करण्यात येऊन त्यास अटक केली. आडगाव पोलिसात गुन्हा दाखल झाला आहे.

ही कामगिरी पोलिस निरीक्षक मधुकर कड यांच्या मार्गदर्शनाखाली सहायक निरीक्षक हेमंत तोडकर, धनंजय शिंदे, प्रदीप म्हसदे, विशाल काठे, प्रशांत मरकड, विशाल देवरे यांनी बजावली.(latest marathi news)