दिंडोरी : तालुक्यातील अनेक गावांत सध्या तीव्र पाणीटंचाई असून ती दूर करण्यासाठी जिल्हा परिषद, पंचायत समितीने गावपातळीवर साठवण बंधारे बांधावेत अशी मागणी तालुक्यातील शेतकऱ्यांनी केली आहे. तालुक्यातील ढकांबे, तळेगाव दिंडोरी, खतवड,वरवंडी, राशेगाव, रामशेज, रडतोंडी. (farmers Demand for storage dams in dindori taluka)

तुंगलदरा, मानोरी तसेच पूर्व भागात सध्या तीव्र पाणीटंचाई असून टंचाई दूर करण्यासाठी या भागात साठवण बंधारे बांधल्यास पावसाळ्यात पाणीसाठा होऊन टंचाई दूर करण्यासाठी मोठ्या प्रमाणात मदत होईल. तालुक्यातील अनेक गावांत आजही टँकरने पाणीपुरवठा होतो. निवडणुका संपल्या पुन्हा लोकांच्या जीवन मरणाचे विषय दुर्लक्षित राहतात.

दिंडोरी तालुक्याला नैसर्गिक वारसा लाभलेल्या असून ३५ ते ४० फूट खोलीचे नाले व नद्या आहेत. नदीपात्रात ठिक ठिकाणी साठवण बंधारे बांधले तर उन्हाळ्यातील पाण्याची टंचाई दूर करण्यासाठी मोठ्या प्रमाणात मदत होईल.त्यामुळे जमिनीतील पाण्याची पातळी उंचावली जाईल. (latest marathi news)

प्रत्येक गावात जर पाच ते सहा साठवण बंधारे बांधले तर नक्कीच पाणी टंचाई दूर करण्यासाठी मोठ्या प्रमाणात मदत होईल.सध्या पिण्याच्या पाण्याचा प्रश्न तसेच चा-याचा प्रश्न गंभीर बनला आहे.

संबंधित विभागाने लक्ष घालून ठिक ठिकाणी साठवण बंधारे बांधले तर उन्हाळ्यातील पाण्याची टंचाई दूर करण्यासाठी मोठ्या प्रमाणात मदत होईल.ती त्वरित सोडविण्यासाठी प्रयत्न केले पाहिजेत अशी मागणी शेतकऱ्यांनी केली आहे.