Nashik News : सटाणा तालुक्यातील वीरगाव, नाशिक तालुक्यातील शिंदे प्राथमिक आरोग्य केंद्रातील प्रकारामुळे खडबडून झालेले जिल्हा परिषदेचे आरोग्य विभाग आता अॅक्शन मोडवर आले आहे. तालुका वैद्यकीय अधिकारी, आरोग्य अधिकारी यांनी मुख्यालयी थांबावे, रात्रीला एक अधिकारी असणे बंधनकारक आहे. (Health department of Zilla Parishad is now on action mode)

मुख्यालयी अधिकारी गैरहजर राहिल्यास त्यांच्यावर प्रशासकीय कारवाई करण्यात येईल, अशी तंबी जिल्हा आरोग्य अधिकारी डॉ. सुधाकर मोरे यांनी दिली. तसेच जिल्हा परिषद आरोग्य विभागातील अधिकारी सरप्राईज व्हीजीट करतील, वैद्यकीय अधिकार्यांनीही तालुक्यातील आरोग्य केंद्रांना अचनाक भेटी द्याव्यात, अशा सूचना त्यांनी यावेळी केल्या.

जिल्हा परिषदेच्या रावसाहेब थोरात सभागृहात गुरूवारी (ता.४) जिल्हा आरोग्य अधिकारी डॉ. मोरे यांच्या उपस्थितीत सर्व तालुका वैद्यकीय अधिकारी, तालुका आरोग्य अधिकारी यांची बैठक झाली. बैठकीस अतिरिक्त जिल्हा आरोग्य अधिकारी डॉ. राजेंद्र बागूल, जिल्हा माता बालसंगोपन अधिकारी डॉ. हर्षल नेहते, सहाय्यक जिल्हा आरोग्य अधिकारी डॉ.दीपक लोणे आदी उपस्थित होते.

बैठकीत आरोग्य विभागातंर्गत असलेल्या मेलरिया, डायरिया, डेंग्यू, माताबालसंगोपन कार्यक्रम, असंसर्गिक आजार नियंत्रण कार्यक्रम, ई-संजीवणी, ई-सुश्रुत, आयुषमान भारत, मात प्रसृती, आरोग्य केंद्राची ऑनलाइन कामे आदींचा यावेळी सविस्तर आढावा झाला. यात काही प्राथमिक आरोग्य केंद्रात कमी काम दिसून आले. त्यावर डॉ. मोरे यांनी संबंधित वैद्यकीय अधिकारी यांची झाडाझडती घेत, फैलावर घेतले. (latest marathi news)

या कामात सुधारण करावी, अशा सूचना डॉ. मोरे यांनी दिल्या. दर महिन्याला चांगल्या तीन प्राथमिक आरोग्य केंद्राचा बैठकीत सत्कार करण्यात येतो. यात या महिन्यात मोहाडी, खामखेडा व वाडीव-हे प्राथमिक आरोग्य केंद्रातील अधिकार्यांच्या चांगल्या कामकाजासाठी सन्मान करण्यात आला.

सर्वात निराशाजनक काम असलेल्या सोमठाणे, नांदगाव सदो, मुळवड प्राथमिक आरोग्य केंद्रांना कामकाजात सुधारणा करण्याची तंबी देण्यात आली. मुख्यालयी वैद्यकीय अधिकारी, आरोग्य सेवक, सेविका राहत नसल्याचे प्रकार पुन्हा वाढल्याचे डॉ. मोरे यांनी सांगितले. वारंवार या तक्रारी येत असल्याने त्यांनी खुली नाराजी व्यक्त केली.

वैद्यकीय अधिकार्यांनी मुख्यालयी थांबणे बंधनकारक आहे. मात्र, अनेक अधिकारी थांबत नसल्याचे दिसत आहे. यापुढे असे प्रकार होता कामा नये अन्यथा, गैरहजर सापडणार्या अधिकार्यांवर कारवाई केली जाईल, त्यांची गई केली जाणार नसल्याचे त्यांनी यावेळी सांगितले.