Nashik Vegetable Rates Hike : उन्हाच्या तडाख्याने कृषी उत्पन्न बाजार समितीत पालेभाज्या, फळभाज्यांसह वेलवर्गीय अशा सर्व प्रकारच्या भाजीपाल्याच्या आवकेत मोठी घट झाली आहे. याचा परिणाम आठवडे बाजारात भाववाढीत झाल्यामुळे एप्रिलमध्येच सर्वसामान्य गृहिणींचे आर्थिक बजेट कोलमडले आहे. (Nashik Leafy vegetables rare in market news)
बाजारात मेथीच्या जुडीसाठी तीस ते चाळीस रुपये तर गावठी कोथिंबिरीच्या चाळीस ते पन्नास रुपये मोजावे लागत होते. इतर भाजीपाल्याच्या दरांत वाढ झाल्यावर एरवी वीस रुपये किलोमध्ये उपलब्ध होणारे बटाट्याचे दरही तीस रुपये किलोपर्यंत पोचले आहेत.
गत महिन्याच्या तुलनेत आठवडे बाजार आवक कमी असल्याने चांगलाच रोडावला आहे. एरवी सप्तशृंगी देवी मंदिरापर्यंत पोचणारा बाजार गणेशवाडीतील मुंजोबा चौकापर्यंतच सीमित झाला होता. पुढील आठवड्यात भाज्यांच्या दरांत आणखी वाढ होण्याची शक्यता विक्रेत्यांनी व्यक्त केली.
भाजीपाल्याचे दर पुढीलप्रमाणे
मेथीची जुडी - ३० ते ४० रू. जुडी.
कोथिंबीर - २० ते ५० रु. जुडी (आकारानुसार)
पालक, शेपू - २० रु. जुडी
वांगी - ४० रु. किलो.
बटाटे - २० ते ३० रु. किलो
टोमॅटो - १० रु. किलो
कारले - ४० रु. किलो.
कोबी गड्डा - १० रु.
फ्लॉवर गड्डा - १५ ते २० रु.
भुरट्यांपासून सावधान
एकीकडे भाजीपाला महाग झाल्याने महिलांचे बजेट कोलमडले आहे, दुसरीकडे आठवडे बाजारातील भुरटे चोरटेही बाजारात येणाऱ्यांचा पिच्छा सोडायला तयार नाहीत. बाजारातील मोबाईलसह दागिने, पैशांची चोरी थांबायला तयार नाही. विशेष म्हणजे अनेक भाजीविक्रेत्यांना या भुरट्यांची तोंडओळख झाल्याने तेही खरेदीदारांना अशा चोरट्यांपासून काळजी घेण्याचा सल्ला देताना दिसून आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.