वणी : आद्य स्वयंभू शक्तीपीठ सप्तशृंगी गडावर सुरु असलेल्या शारदीय नवरात्रोत्सवाच्या तिसऱ्या माळेस रात्री ८ वाजेच्या दरम्यान महाराष्ट्र नवनिर्मान सेनेचे अध्यक्ष राज ठाकरे यांनी कुटुंबीयासमवेत आदिमायेच्या चरणी नतमस्तक होत लीन झाले. (MNS President Raj Thackeray darshan at saptashrungi)

सप्तशृंगी गडावर आदिमायेच्या नवरात्रोत्सव मोठ्या उत्साहात सुरु असून भाविक भक्तांच्या गर्दीन अवघा सप्तशृंगी गड आदिशक्तीच्या भक्तीत एकरुप झाला आहे. आदिमायेच्या दर्शनासाठी सर्वसामान्य भाविकांबरोबरच प्रशासकीय अधिकाऱ्यांबरोबरच राजकिय, सामाजिक क्षेत्र पदाधिकारीही हजेरी लावत आहेत.

आज रात्री मनसेे अध्यक्ष राज ठाकरे यांनी शर्मिला ठाकरे, अमित ठाकरे यांच्यासह सप्तशृंगी गडावर येत आदिमायेची मनोभावे पुजा करीत नतमस्तक झाले. यावेळी ट्रस्टच्यावतीने विश्वस्त तथा तहसिलदार रोहिदास वारुळे, अॅड ललीत निकम, मन्यज्योत पाटील यांनी स्वागत केले. (latest marathi news)

यावेळी मनसेचे जिल्हाध्यक्ष अशोक मुर्तडक, अतुल चांडक, सुदाम कोयडे आदीसह मनसेचे पदाधिकारी उपस्थित होते. कळवम तालुक्याच्यावतीने इश्वर कदम, मयुर जोशी, पंकज बेनके, दत्तु बर्डे, पंकज पगार यांनी तर ग्रामपंचायतीच्यावतीने संदीप बेनके, राहूल बेनके आदींनी स्वागत केले. राज ठाकरे हे वर्ष- दोन वर्षातून नियमित गडावर हजेरी लावतात. दरम्यान आज नाशिक परिक्षेत्राचे विशेष पोलिस महानिरीक्षक दत्तात्रय कराळे यांनीही आदिमायेचे दर्शन घेतले.