Nashik Potholes : नाशिक-पुणे महामार्गावरील वि. दा. सावरकर उड्डाणपुलावर ठिकठिकाणी खड्डे पडल्यामुळे वाहनधारकांना मोठ्या प्रमाणात त्रास सहन करावा लागत आहे. पावसाळ्यात उड्डाणपुलावर खड्ड्यात साचलेल्या पाण्यातून वाट काढताना वाहनधारक आणि दुचाकीचालकांना कसरत करावी लागत आहे. पुलावर साचलेल्या पाण्यातून वाहने जोरात गेल्यास पुलाखाली जाणाऱ्या पादचारी, दुचाकी वाहनधारकांवर पाणी उडते. (Potholes in Nashik Road area are problem for motorists )

त्यामुळे नागरिकांना नाहक त्रास सहन करावा लागत आहे. जेल रोडला इंगळेनगर ते कन्याशाळेपर्यंत, तसेच उपनगर नाका ते इंगळेनगरपर्यंत जुन्या पाटाच्या रस्त्याने जलवाहिनी टाकण्यात आली आहे; परंतु खोदलेल्या खड्ड्यांमुळे, रस्त्यावरील पावसामुळे पुन्हा खड्डे झाले असून, सर्वत्र चिखलाचे साम्राज्य झाले आहे. चिखलामुळे दुचाकी वाहनधारक घसरून पडत आहेत. (latest marathi news)

जेल रोडला जलवाहिनी टाकण्यासाठी खोदलेल्या खड्ड्यांवर डांबरीकरण केले नसल्याने खड्ड्यांमुळे वाहनधारकांना त्रास सहन करावा लागत आहेत. कधी कधी अपघात होत आहेत. महापालिका प्रशासनाला वेळोवेळी तक्रार करूनही डांबरीकरण झाले नाही. याबाबत शिवसेनेच्या वतीने आंदोलन करण्यात येणार असल्याचे सागर भोजने यांनी सांगितले.