साहेब इतका उशीर...

राज्यातील पहिले वातानुकूलित बसस्थानक म्हणून नावारूपाला आलेले नाशिकमधील मेळा बसस्थानक अनेक महिन्यांपासून तयार होऊन उद्‍घाटनाच्या प्रतीक्षेत होते. याचे उद्‍घाटन का होत नाही, असा सवाल सामान्य नाशिककरांना सतावत होता.

मेळा बसस्थानक हे भाजप आमदार देवयानी फरांदे यांच्या मतदारसंघात येते. त्यामुळे याच्या उद्‍घाटनाला भाजपचेच कोणीतरी नेते येतील, अशी खात्री नाशिककरांना होतीच. आज त्याचे उपमुख्यमंत्री देवेंद्र फडणवीस यांच्या हस्ते लोकार्पण होत आहे.

फडणवीससाहेबांनी या उद्‍घाटनाच्या कार्यक्रमाला यायला खूपच उशीर केला राव, अशा चर्चा या परिसरातून ये-जा करणाऱ्या अनेकांमध्ये रंगली होती.

(SAKAL Special chalta bolta sir so late nashik news)