नाशिक : मराठा आरक्षण (Maratha Reservation) मिळवणे हा मराठा समाजाचा प्राधान्यक्रम आहेच. सकल समाजाच्या आरक्षण संदर्भातील भावनांशी मी शतप्रतिशत सहमत आहे. मराठा आरक्षणाप्रश्नी २७ मे रोजी मुंबईत भूमिका मांडणार असून मुख्यमंत्री, विरोधकांना भेटणार असे खासदार संभाजीराजे भोसले (sambhaji raje bhosale) यांनी नाशिकमध्ये एका पत्रकार परिषदेत सांगितले.

27 मे पर्यंत राज्य सरकारने अभ्यास करावा

27 तारखेला भाजप मोर्चे काढणार ही त्यांची भूमिका, पण सोल्युशन द्या मार्ग काढा. मोदींकडे 4 वेळा वेळ मागितली, पण अजून मिळाली नाही, पुन्हा संपर्क करणार. आक्रमक होण्यासाठी 2 मिनिटे लागणार नाही. 27 मे पर्यंत राज्य सरकारने अभ्यास करावा, माझी भूमिका 27 ला मांडणार. 27 मे पर्यंत शांतता राखा. त्यानंतर भूमिका ठरवू. या भूमिकेतून कदापि माघार घेणार नाही. असे मराठा समाजाला आवाहन संभाजीराजेंनी केले आहे.

पंतप्रधान मोदींना आतापर्यंत ४ वेळा पत्र

27 तारखेपर्यंत समाजाने शांत राहावे, आपली भूमिका त्या दिवशीच ठरेल. 4 एप्रिलला स्टेज वर जाण्याचं कोणाचं धाडस होत का, मी गेलो होतो बोलायला, आझाद मैदानात मी गेलो होतो, माझ्यावर टीका करणारे तेव्हा कुठे? सुप्रीम कोर्टाने सांगून ही नियुक्ती का देत नाही? मुख्यमंत्री नी नोकऱ्या द्यावे, सारथी संस्थेचे शाहू महाराज यांचे नाव काढून टाका, काहीच करत नाही, मुख्यमंत्र्यांनी लक्ष घालावे. असे संभाजीराजे यावेळी म्हणाले

सर्वपक्षीय नेत्यांना विनंती दिशाभूल करू नका

इतर राज्यात आरक्षण, महाराष्ट्रात का नाही? सर्व राज्यकर्त्यांना विनंती समाजाच्या भावनेशी खेळू नका. सर्वपक्षीय नेत्यांना विनंती दिशाभूल करू नका.