नाशिक : परदेशी विद्यापीठासोबत सामंजस्य करारामुळे विद्यार्थ्यांना नवीन संधी उपलब्ध होतील. सोबतच अद्ययावत ज्ञान, तंत्रज्ञान व प्रशिक्षण सुविधा उपलब्‍ध होईल.

नवीन शिक्षण धोरणात अभिप्रेत असलेले परिणाम आधारित शिक्षण ध्येय सहज साध्य होईल, असे प्रतिपादन संदीप फाउंडेशनचे अध्यक्ष डॉ. संदीप झा यांनी केले. (Sandeep University signs agreement with Belarusian University Open doors to international education Nashik News)

हेही वाचा : देशातले ३२ म्युच्युअल फंडांचं व्यवस्थापन आहे महिलांच्या हाती...

बेलारूस येथील १०२ वर्षाची परंपरा असलेल्या बेलारुशियन टेक्निकल युनिव्हर्सिटीसोबत सामंजस्य करार झाला. याप्रसंगी ते बोलत होते. या वेळी बेलारुशियन टेक्निकल युनिव्हर्सिटीचे अध्यक्ष सर्गेई ख-यतोंयचक, युरी निजालयिंचिक, मारीया व्योत्साफा, डॉ. दीपक पाटील, मनीष विंग आदी उपस्थित होते.

डॉ. संदीप झा म्हणाले, की कराराद्वारे विद्यार्थ्यांना आंतरराष्ट्रीय शिक्षणाचे दार खुले होतील. विद्यार्थी विनिमय, विदेशी भाषा शिक्षण व्यवसाय प्रशिक्षण, नवीन संशोधन याबाबत संदीप फाउंडेशन, संदीप विद्यापीठ नवीन आयाम प्रस्थापित करेल, असा आशावाद डॉ संदीप झा यांनी व्यक्त केला.

बेलारूस विद्यापीठातर्फे सर्गेई यांनी भारतीय शिक्षण व्यवस्थेविषयी व संदीप विद्यापीठाविषयी गौरवोद्गार काढले. संदीप फाउंडेशनतर्फे डॉ. दीपक पाटील यांनी तर संदीप विद्यापीठातर्फे कुलसचिव डॉ.प्रसाद बाविस्कर यांनी सामंजस्य करारावर स्वाक्षरी केली.

संदीप विद्यापीठ मधुबनी कॅम्पस-बिहारतर्फे विवेक निकम यांनी करार केला. बेलारूस टेक्निकल विद्यापीठातर्फे अध्यक्ष सर्गेई यांनी करारावर स्वाक्षरी केली.