नाशिक : शासनाने नव्याने स्थापन केलेल्या अग्निशमन सेवा सहाय्यक संचालकपदी नाशिक जिल्ह्यासाठी नाशिक महापालिकेचे मुख्य अग्निशमन अधिकारी संजय बैरागी यांची नियुक्ती करण्यात आली आहे.

शासनाने नव्याने प्रत्येक जिल्ह्यासाठी हे पद निर्माण केले आहे. यापूर्वी 1 अग्निशमन संचालक व 1 सहाय्यक संचालक हीच पदे अस्तित्वात होती, संपूर्ण राज्याचा भार या पदांवर येत होता, त्यामुळे शासनाने कामाचे विकेंद्रीकरण करण्याचा निर्णय घेतला, आता मनपा आणि नपा वगळता अन्य संपूर्ण जिल्ह्यातील अग्निशमन परवानगी, नाहरकत दाखले या कार्यालयामार्फत दिले जाणार आहेत. संजय बैरागी यांनी या पदासाठीची शैक्षणिक अर्हता पूर्ण केली असल्याने शासनाने त्यांची नियुक्ती केली आहे.