Nashik Crime News : शहरातील ठक्कर डोम येथे नृत्यांगना गौतमी पाटील यांच्या लावणीच्या कार्यक्रमात हुल्लडबाजांनी प्रसार माध्यमांच्या दोन प्रतिनिधींना बेदम मारहाण प्रकरणात अटक केलेल्या सहा संशयितांना न्यायालयाने एका दिवसाची पोलिस कोठडी सुनावली आहे.

याप्रकरणी गंगापूर पोलिस ठाण्यात मारहाणीसह, पत्रकार संरक्षण अधिनियमानुसार गुन्हा दाखल करण्यात आला आहे. (Suspects in journalist assault case in custody Nashik Crime News)

समीर इस्माईल शेख (२८), जयेश पुंडलिक भडांगे (१८), एकनाथ प्रीतम परदेशी (२४), जितेश शिवाजी जाधव (२३), दीपक प्रकाश दाभाडे (२५, सर्व रा. उत्कर्षनगर झोपडपट्टी, त्र्यंबक रोड, नाशिक), आकाश प्रकाश पवार (२५, रा. लवटेनगर), अशी संशयितांची नावे आहे.

या संशयितांना गुरुवारी (ता. १८) न्यायालयात हजर केले असता, न्यायालयाने एका दिवसाची पोलिस कोठडी दिली. प्रसार माध्यमाचे कॅमेरामन आकाश येवले यांच्या फिर्यादीनुसार, मंगळवारी (ता. १६) त्र्यंबक रोडवरील ठक्कर डोम येथे नवनिर्माण सेवाभावी संस्थेने नृत्यांगना गौतमी पाटील यांच्या लावणीच्या कार्यक्रमाचे आयोजन केले.

हेही वाचा : Credit Card फसवणूक....काय घ्याल काळजी?

होते. यासाठी प्रसार माध्यमांचे प्रतिनिधीही वृत्त संकलनासाठी उपस्थित होते. त्या वेळी संशयितांनी त्यांच्यावर अचानक हल्ला चढविला. या हल्लेखोरांनी येवले यांच्यासह कॅमेरामन अशोक गवळी यांना मारहाण केली.

यात त्यांच्याकडील कॅमेऱ्याचेही नुकसान झाले. गंगापूरचे पोलिसांनी कार्यक्रम स्थळावरील फुटेजच्या आधारे संशयितांना अटक केली. गुन्ह्याचा तपास वरिष्ठ पोलिस निरीक्षक रियाज शेख हे करीत आहेत.