नाशिक : (आडगाव) येथील गन हाऊसच्या शॉपचे शटर उचकटून चोरट्यांनी एअर पिस्टल, एअर रायफल, स्टेनगनसह छऱ्यांचे बॉक्‍स असा सव्वा लाखांचा ऐवज चोरून नेल्याची घटना घडली आहे. याप्रकरणी आडगाव पोलिसात गुन्हा दाखल करण्यात आला आहे. 

असा आहे प्रकार

भाऊसाहेब नरहरी बेलेकर (रा. मांडसांगवी, औरंगाबादरोड) यांच्या फिर्यादीनुसार, त्यांचे नांदूरनाका जेलरोड येथे अथर्व गन हाऊस स्पोर्टस्‌ या नावाचे दुकान आहे. गेल्या मंगळवारी (ता. 23) मध्यरात्रीच्या सुमारास त्यांच्या बंद दुकानाचे शटर अज्ञात चोरट्यांनी उचकटावून आत प्रवेश केला. यावेळी चोरट्यांनी दुकानातील 85 हजार रुपयांच्या 24 एअर पिस्टल,7 हजार 500 रुपयांच्या तीन स्टेनगन, 24 हजार रुपयांच्या चार एअर रायफल आणि या बंदूकांसाठी लागणाऱ्या छऱ्यांचे 5 बॉक्‍स असा एक लाख 21 हजार 500 रुपयांचे साहित्य चोरट्यांनी चोरून नेले. 

हेही वाचा > ह्रदयद्रावक! सकाळी हसतमुख दिसलेल्या लेकीची दुपारी डेडबॉडीच...आईने फोडला हंबरडा

सदरची बाब भाऊसाहेब बेलेकर हे बुधवारी (ता. 24) सकाळी दुकान उघडण्यासाठी आल्यानंतर उघडकीस आली. याप्रकरणी आडगाव पोलिसात गुन्हा दाखल करण्यात आला असून तपास पोलीस उपनिरीक्षक धैर्यशील घाडगे करीत आहेत. 

हेही वाचा > सावध व्हा...'हा' आजार पडेल महागात...कोरोनाचे व्हाल बळी!