पाटील विद्यालयात योगाचे धडे कासारे : येथील वसंतरावदादा पाटील माध्यमिक व उच्च माध्यमिक विद्यालयात आंतरराष्ट्रीय योगदिनी विद्यार्थ्यांना दिले योगाचे धडे देण्यात आले. अध्यक्षस्थानी प्राचार्य डी. एन. पाटील होते. शेतकी संघाचे संचालक नैनेश भामरे प्रमुख पाहुणे म्हणून उपस्थित होते. त्यांनी विद्यार्थ्यांना योगाचे महत्त्व पटवून देत निरोगी जीवनासाठी नियमित योगाभ्यास करण्याचे आवाहन केले. सी. जी. भामरे यांनी सूत्रसंचालन केले. जे. एस. खैरनार यांनी योगासने व प्राणायामाचे प्रात्यक्षिक सादरीकरण केले. एम. डी. सोनवणे, वाय. बी. पाटील, डी. पी. खैरनार, श्रीकांत शेवाळे, सुनील खांडेकर, श्रीमती आर. ए. ठाकरे, श्रीमती एम. ए. तोरवणे, दीपाली भामरे-बोरसे, अश्‍विनी पाटील, विजय मोरे, मुकेश बच्छाव यांनी संयोजन केले.