UPSC MPSC Training Tests: महात्मा ज्योतिबा फुले संशोधन व‎ प्रशिक्षण संस्था (महाज्योती) यांच्‍यातर्फे यूपीएससी व एमपीएससी प्रशिक्षणाकरिता पूर्व परिक्षेचा निकाल जाहीर केला आहे.

२०२३ मध्ये यूपीएससी (इंग्रजी-मराठी), एमपीएससीसाठी घेण्यात आलेल्या विविध परीक्षांचा निकाल महाज्योतीतर्फे जाहीर केले. (UPSC MPSC Training Exam Result Declared nashik news)

या संदर्भात महाज्योतीचे व्यवस्थापकीय संचालक राजेश खवले यांनी माहिती दिली. उत्तीर्ण विद्यार्थ्यांमध्ये एमपीएससीचे एक हजार, एमपीएससी संयुक्त गट ‘ब’ व ‘क’चे एक हजार, यूपीएससी (इंग्रजी) चे एक हजार आणि यूपीएससी (मराठी) चे ७५० उमेदवारांचा समावेश आहे.

निवड झालेल्या विद्यार्थ्यांना दिल्ली, पुणे, छत्रपती संभाजीनगर येथील नामांकित संस्थांच्या माध्यमातून प्रशिक्षण दिले जाणार आहे.

तसेच प्रशिक्षणनिहाय आकस्मिक निधी आणि विद्यावेतनदेखील दिले जाईल.

महाराष्ट्र लोकसेवा आयोग (एमपीएससी), महाराष्ट्र लोकसेवा आयोग संयुक्त गट ‘ब’ व ‘क’, संघ लोकसेवा आयोग इंग्रजी व मराठी माध्यम या परीक्षा प्रशिक्षणासाठी चाळणी परीक्षा ऑक्‍टोबर अखेरीस तसेच ४ नोव्‍हेंबरला घेण्यात आली होती.