जुने नाशिक : सीबीएस परिसरात पार्किंगच्या वादावरून तरुणावर कोयत्याने हल्ला झाल्याची घटना गुरुवारी (ता. ५) दुपारी घडली. प्रवीण मेबांरे (रा. कालिकानगर झोपडपट्टी, मुंबई- आग्रा रोड), असे जखमीचे नाव आहे. (Young boy attacked with axe in CBS area Nashik Crime News)

जखमी प्रवीण आणि सहकारी अजय शिंदे दोघेही सीबीएस परिसरातील मेघदूत शॉपिंग सेंटर येथे पार्किंगवर काम करतात. गुरुवारी दुपारी संशयित त्या ठिकाणी आले. प्रवीण याने त्यांच्याकडे पार्किंगच्या पैशांची मागणी केली.

त्यातून वाद झाला. वादाचे रूपांतर मारहाणीत होऊन सात ते आठ संशयितांनी त्याच्या डोक्यावर कोयत्याने हल्ला केला. हल्ला करून संशयितांनी पळ काढला. त्याच्या सहकार्याने त्यास उपचारार्थ जिल्हा रुग्णालयात दाखल केले.

हेही वाचा : द मिसिंग टाइल सिंड्रोम ठेवा आपल्यापासून दूर