नांदगाव / साकोरा - मनसेच्या विद्यार्थी आघाडीचे तालुकाप्रमुख विशाल शशिकांत शेवाळे (२३) यांचे दुपारी निधन झाले. विशाल यांनी नाशिकरोडला धावत्या रेल्वे मालगाडी समोर स्वतःला झोकून दिले. त्यांनी केलेल्या आत्महत्येचे वृत्त कळताच साकोरा व तालुक्यात विशेषतः युवा वर्गात हळहळ व्यक्त होत आहे.

अतिशय उमद्या व उदयोन्मुख तरुण नेतृत्वाचा असा अकाली अंत झाल्याची ही दु:खद घटना घडली. राज्य-जिल्हास्तरावरील निबंध वक्तृत्व स्पर्धेत आपल्या प्रतिभावान शैलीचा ठसा त्यांनी उमटविला होता. त्यांच्यातील या गुणांना हेरून मनसेने तालुक्याच्या विद्यार्थी आघाडीची तालुकाध्यक्षपदाची अडीच महिन्यापूर्वी सोपविली होती. विशाल शेवाळेच्या घरची परिस्थिती हलाखीची असूनही कष्ट करीत शिक्षण घेण्याचे गुणवैशिट्य असल्याने त्यांनी डिएड पदवी मिळविली. सिन्नर येथिल के.एस्.बी.पंप्प या खाजगी कंपनीत काम करून यशवंत मुक्त विद्यापीठातून बाहेरून शिक्षण घेत होता. तसेच निबंध स्पर्धेत जिल्हास्तरीय प्रथम क्रमांकाने गौरविण्यात आले होते. सांयकाळी उशिरा विशाल यांच्या पार्थिवाववर मोठ्या शोकाकुल वातावरणात अंत्यविधी करण्यात आला यावेळी अनेक मान्यवर उपस्थित होते.