धुळे - सोशल मीडियावर आक्षेपार्ह व महिलांबाबत अश्‍लील बोलून धार्मिक भावना दुखावल्याप्रकरणी संशयित मुन्ना धिवरे याच्याविरुद्ध शहर पोलिसात गुन्हा दाखल झाला.

यासंदर्भात शिवसेना जिल्हाप्रमुख हिलाल माळी यांच्यासह कार्यकर्त्यांनी अप्पर पोलिस अधीक्षक विवेक पानसरे यांना निवेदन दिले. निवेदनानुसार सोशल मीडियाच्या फेसबुक व व्हाटसॲपवर मुन्ना धिवरे (पूर्ण नाव समजू शकले नाही) याने देवदेवता व राष्ट्रपुरुषांबद्दल आक्षेपार्ह मजकूर टाकला. त्यावर कठोर कारवाई करावी, अशी मागणी निवेदनाद्वारे केली. यावेळी पंकज गोरे, नितीन पाटील, देवराम माळी, विकास शिंगाडे, राजेश पटवारी, संदीप सूर्यवंशी, मुकेश चित्ते, स्वप्नील सोनवणे, संदीप मुळीक, शत्रुघ्न तावडे आदी उपस्थित होते. दरम्यान, विकास सुधाकर गोमसाळे यांनी दिलेल्या फिर्यादीनुसार धार्मिक भावना दुखावल्याप्रकरणी संशयित मुन्ना धिवरे याच्याविरुद्ध शहर पोलिसांत गुन्हा दाखल झाला.