नाशिक : थंड शहर अशी ओळख असलेल्या नाशिक शहरात गेल्या काही चार दिवसांत अचानक तापमानात वाढ होताना दिसली. रविवारी उन्हाची अधिकच तीव्रता जाणवली.  गुरुवारी (ता.१९) शहरात पाऊस झाला तेव्हा कमाल तापमान ३०.१ अंश इतके नोंदविले गेले. मात्र शुक्रवारी अचानक वातावरणात बदल रविवारी पारा  ३१.२ अंशांपर्यंत पोहचला. त्यामुळे नागरिकांना रविवारी उन्हाची अधिकच तीव्रता जाणवली.

नागरिकांनो..आरोग्य सांभाळा

वातावरणात उष्मा वाढल्याने रविवारी नागरिकांना दिवसभर त्याचा त्रास सहन करावा लागला. अचानक वाढलेल्या तापमानामुळे नागरिकांच्या आरोग्यावरही विपरित परिणाम होऊ शकतो. त्यामुळे उन्हापासून संरक्षण करण्याचा सल्लाही डॉक्टरांकडून दिला जात आहे. 

पुढील काही दिवस होईल तापमानात
यंदा ऑक्टोबर हिटची सुरवात लवकर दिसायला लागली असून रविवारी (ता.२२) पारा ३१ अंशापर्यंत पोहचला. यामुळे वातावरणात कमालीचा उष्मा निर्माण झाला. हा पारा पुढील दोन ते तीन दिवस आणखी वाढण्याची शक्यता आहे. यानंतर वीजांच्या गडगडटांसह पाऊस येण्याची शक्यता नाकारता येत नाही. - किरणकुमार जोहरे, भौतिकशास्त्रज्ञ व हवामान अभ्यासक