सिन्नर - येथील प्रसिद्ध भूलतज्ज्ञ डॉ. वैजयंती अभिजित काकडे (वय ४३) यांनी भुलीचे इंजेक्‍शन स्वतःच्या हाताच्या नसेत घेऊन आत्महत्या केली. डॉ. काकडे यांनी स्वतःच्या घराच्या गच्चीवर हा प्रकार केला असल्याचे मध्यरात्री दीडच्या सुमारास उघडकीस आले.

नाशिक-पुणे महामार्गावरील वाजे पेट्रोलपंपासमोर स्त्रीरोगतज्ज्ञ डॉ. अभिजित काकडे यांचे भारती हॉस्पिटल आहे. अवघ्या एक वर्षापूर्वी डॉ. काकडे यांनी नवीन जागेत रुग्णालय स्थलांतरित केले. त्यांच्या पत्नी डॉ. वैजयंती सिन्नर शहरात भूलतज्ज्ञ म्हणून प्रसिद्ध होत्या. रुग्णालयाच्याच इमारतीत वरच्या मजल्यावर डॉ. काकडे दांपत्य वास्तव्याला होते. मध्यरात्री जाग आल्यानंतर डॉ. अभिजित काकडे सौ. काकडे यांना शोधण्यासाठी बाहेर आले. परंतु रुग्णालयाकडे जाणारा दरवाजा बंद असल्याने ते गच्चीकडे गेले असता डॉ. वैजयंती मृतावस्थेत आढळल्या. सिन्नर पोलिसांनी आकस्मिक मृत्यूची नोंद केली. बुधवारी (ता. २) दुपारी त्यांच्यावर अंत्यसंस्कार करण्यात आले. उच्चशिक्षित डॉक्‍टराकडून आत्महत्येसारखे टोकाचे पाऊल उचलले गेल्याने शहर व तालुक्‍यात खळबळ उडाली आहे.

कौटुंबिक कलहाचा संशय
मृत डॉ. वैजयंती काकडे यांच्या घटनेनंतर वैद्यकीय व्यावसायिकांमध्ये कौटुंबिक कलहाची चर्चा होती. काकडे दाम्पत्याची दोन्ही मुले नाशिक येथे शिकण्यास आहे. पोलिसांनी शवविच्छेदनावेळी व्हिसेरा राखून ठेवला आहे. न्यायवैद्यक प्रयोगशाळेचा अहवाल आल्यानंतर मृत्यूचे नेमके कारण समजेल, अशी माहिती पोलिस सूत्रांनी दिलीृ.