water scarcity
water scarcity  
उत्तर महाराष्ट्र

डिझेलअभावी पाण्याचे टॅंकर बंद

विजयसिंग गिरासे
चिमठाणे - शिंदखेडा तालुक्‍यातील सहा गावांना पिण्याच्या पाण्यासाठी टॅंकरने पाणी पुरवठा करण्यात येत आहे. मात्र डिझेल नसल्याने गेल्या पाच-सहा दिवसांपासून टॅंकरने पाणी पुरवठा बंद झाल्याने ग्रामस्थांना पाण्यासाठी भटकंती करावी लागत आहे. त्यात दूषित पाण्यामुळे रुग्णांचे प्रमाण वाढत आहे.

शिंदखेडा तालुक्‍यातील पाच टॅंकरना दोंडाईचा व नरडाणा येथील पेट्रोलपंपमधून डिझेल पुरवठा करण्यात येत होता; परंतु पेट्रोलपंप मालकांचे सुमारे सतरा लाख रुपये थकल्याने डिझेल पुरवठा थांबविण्यात आला आहे. तालुक्‍यात गेल्या तीन वर्षांपासून दुष्काळी स्थिती आहे. तापी काठावरील गावे वगळले, तर पावसाळ्यात उर्वरित गावांना टॅंकरने पाणी पुरवठा करण्यात येत असून, 44 गावांना 50 विहिरी, कूपनलिका अधिग्रहण केल्या आहेत.

डिझेल नसल्याने टॅंकर बंद
वारूड येथे 10 एप्रिल 2015 पासून, पथारे 8 एप्रिल2016 पासून, भडणे 19 ऑगस्ट 2016 पासून, दत्ताणे 6 ऑक्‍टोबर2016, अंजदे खुर्द 2 जानेवारी 2017 पासून व मेलाणे 2 जानेवारी 2017 पासून टॅंकर सुरू होते. मात्र पेट्रोलपंपमालकांची थकबाकी सतरा लाख रुपये झाल्याने डिझेल पुरवठा बंद केला. परिणामी पिण्याच्या पाण्यासाठी महिला, पुरुषांना शेतीचे कामे सोडून आणि विद्यार्थ्यांना शाळा सोडून पाण्यासाठी भटकंती करावी लागत आहे. आता नवीन निशाणे, तामथरे व चांदगड येथेही टॅंकरसाठी प्रस्ताव पाठविला आहे.

अधिग्रहणाचा वर्षानंतर मोबदला
शिंदखेडा तालुक्‍यातील 44 गावांना 50 विहिरी, कूपनलिका अधिग्रहण केल्या होत्या. तीन वर्षांपासून शेतकरी खरीप व रब्बी पिके सोडून गावाला पाणी पुरवठा करतात. शासनाने नोव्हेंबर 2015 पासून अधिग्रहण केलेल्या विहिरी, कूपनलिका मालकांना मोबदला दिला नाही. गेल्या जानेवारीत सुमारे 37 लाख रुपये निधी आला. नोव्हेंबर 2015 ते जून 2016 पर्यंत अधिग्रहण केलेल्या विहिरी,कूपनलिकाधारकांना मोबदला देण्यात आला आहे.

डिझेलसाठी शासनाकडूनच निधी उपलब्ध न झाल्याने पिण्याच्या पाण्यासाठी सुरू असलेले टॅंकर बंद आहेत. जिल्हाधिकारी दिलीप पांढरपट्टे, अप्पर जिल्हाधिकारी हुलहुले व शिरपूर उपविभागीय अधिकारी नितीन गावंडे यांनाही याबाबत माहिती दिली आहे.
- गायत्री सैंदाणे, तहसीलदार, शिंदखेडा

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Also Read

IPL 2024 RCB vs GT Live Score: बेंगळुरूचे गोलंदाज चमकले! चिन्नास्वामी स्टेडियमवर गुजरातला 147 धावांवरच केलं ऑलआऊट

Weather Update : पुण्यात उन्हाचा चटका कायम राहणार; राज्यात वादळी पावसाला पोषक वातावरण

Lok Sabha Election 2024 : ४०० पार घोषणा, पण भाजप अडीचशे जागांवर अडकणार

Lok Sabha Election : उदयनराजेंची बोगी नरेंद्र मोदींच्या विकासाच्या इंजिनला जोडा; फडणवीसांचे मतदारांना आवाहन

Devendra Fadnavis : नरेंद्र मोदींवरील विधानावरून शरद पवारांना देवेंद्र फडणवीसांचा इशारा

SCROLL FOR NEXT