Uttar Pradesh Elections 2022: उत्तर प्रदेशातील विधानसभा निवडणूकांमध्ये विजय मिऴवण्यासाठी सर्वच राजकीय पक्षांनी कंबर कसली आहे. सर्वच राजकीय पक्षामध्ये एकमेकांवर आरोप प्रत्यारोपाच्या फैरी झडत आहेत. अशा परिस्थितीत पंतप्रधान नरेंद्र मोदी (Narendra Modi) यांनीही प्रचारसभांचा धडाका लावला आहे. उत्तर प्रदेशातील उन्नाव (Unnao) येथील प्रचार सभेत पंतप्रधान नरेंद्र मोदींनी समाजवादी पक्षावर (Samajvadi Party) जोरदार टीका केली.

"काही दिवसांपूर्वी पंजाबचे (Punjab) मुख्यमंत्री चरणजीत सिंह चन्नी (Charanjit Singh Channi)यांनी निवडणुकीत मते मिळवण्यासाठी उत्तर प्रदेशातील गरीब, दलित, मागासलेल्या लोकांवर अत्याचार केले होते. परंतु येथील समाजवादी पक्षाने त्याला एकदाही विरोध केला नाही'', या शब्दात पंतप्रधान नरेंद्र मोदी यांनी उन्नाव येथील प्रचारसभेत समाजवादी पक्षावर टीका केली.

काही दिवसांपूर्वी झालेल्या एका धक्कादायक घटनेनं उन्नाव चर्चेत आलं होतं. तीन अल्पवयीन मुली जंगलात गेल्या होत्या त्यातल्या दोघी मृतावस्थेत तर एक बेशुद्धावस्थेत आढळल्यानं खळबळ उडाली आहे. कुटुंबीयांचे म्हणणे आहे की, तिन्ही मुलींना एकत्र बांधून घालण्यात आलं होतं. उन्नावमधील बबरुहा गावात बुधवारी सायंकाळी ही घटना उघडकीस आली होती.