सिंदखेड राजा - तालुक्यामधुन जाणाऱ्या समृध्दी महामार्गावर अपघात होवून वाहन चालक ठार झाला असून ३ जण जखमी झाले. ही घटना सिंदखेड राजा नजिक समृद्घी महामार्गावर चॅनेल नंबर ३१३.२ वर नागपूर कॉरिडोर आज 11 एप्रिल रोजी सकाळी 9 वाजेच्या सुमारास घडली आहे.

सविस्तर वृत्त असे की, समृद्धी महामार्गाने आयशर क्रमांक एमएच ०४ के एफ ८७४० हे मुंबई वरून कलकत्ताकडे जात असताना पाठीमागून येणारा ट्रक क्रमांक एमएच ४८ सी क्यू ४८२८ च्या चालकांने भरधाव वेगाने पाठीमागून आयशला धडक दिली. यात आयशर साईड सिमेंट बॅरिअरला धडकून पलटी झाला.

यात आयशर चालक रंजित गौतम (वय ४० वर्ष) रा. सुलतानपूर उत्तरप्रदेश यांचा जागेवर मृत्यू झाला आहे. संतोष छोटूलाल हरिजन (वय २५) उरण मुंबई, महिंद्र गौतम (वय ५०) रा सुलतानपूर उत्तरप्रदेश, सोनू गौतम (वय ३०) रा सुलतानपूर उत्तरप्रदेश हे तीन जण किरकोळ जखमी झाले.

जखमींना तात्काळ जवळच्या रुग्णालयात दाखल करण्यात आले होते. दोन्ही वाहनाचे मोठे नुकसान झाले आहे. दोन्ही अपघातग्रस्त वाहने बाजूला करून वाहतूक सुरळीत करण्यात आली. यावेळी पोलीस उपनिरीक्षक गजानन उज्जैनकर, शैलेश पवार, पोहेकॉ काळुसे, पो. कॉ. सानप, एमएसएफ जवान गजानन जाधव,नागरे, राठोड, क्यू आर व्ही टीम उपस्थित होती. बीबी पोलीस स्टेशनचे ठाणेदार संदीप पाटील यांच्या मार्गदर्शनाखाली पुढील तपास सुरू आहे.