अकोलाः शहरातील शास्रीनगरमध्ये घडलेल्या खून प्रकरणातून १४ जाणांची न्यायालयाने निर्दोष मुक्तता केली आहे. संशयाचा लाभ देत न्यायालयाने हा निर्वाळा दिला आहे.

सिव्हिल लाईन्स पोलिस स्टेशनच्या हद्दीत शास्त्रीनगर येथे २५ मार्च २००८ रोजी मनोज धुळे मृतावस्थेत आढळून आले होते. या घटनेत पोलिसांनी मृतकाच्या बहिणीच्या तक्रारीवरून खुनाचा गुन्हा दाखल केला होता.

तपासात पोलिसांनी मनोज धुळेच्या खुनाच्या आरोपात फिरोज खान अब्दुल्ला खान, अब्दुला खान अमीर खान, अफरोज खान अब्दुल्ला खान, शेख काजीम उर्फ पहलवान शेख अब्दुल्ला, अज्ञया उर्फ अकबर शेख सलीम, शेख पप्पू शेख कुरबान, जफर खान उर्फ (जफर सुपारी) जमीर खान, नजीमोद्दीन उर्फ बाबा सिकंदर सलामोद्दीन, शेख शब्बीर शेख बिस्मिल्ला, अजहर खान उर्फ अज्जू अय्याज खान, शेख गफूर शेख हुसेन, छोटू खंडू उगवे, जहीर खान अलीयार खान, इमरान खान किफायत खान यांच्या विरुद्ध विविध कलमांतर्गत गुन्हा दाखल केला होता.(Latest Marathi News)

त्यानंतर न्यायालयात दोषारोपपत्र दाखल करण्यात आले. या प्रकरणाची सुनावणी द्वितीय जिल्हा व सत्र न्यायाधीश डी. बी. पतंगे यांच्या न्यायालयात झाली. सरकार पक्षातर्फे १२ साक्षीदार तपासण्यात आले. आरोपीवरुद्धचा गुन्हा सरकारी पक्षाला सिद्ध करता आला नाही. (Marathi Tajya Batmya)

मनोज धुळेचा मृतदेह सापडला असला तरी त्याचा खून कोणी केला व कोणत्या कारणास्तव झाला हे सरकारी पक्ष सिद्ध करू शकले नाही. त्यामुळे न्यायालयाने संशयाचा लाभ देत सर्व आरोपीला निर्दोष मुक्त करण्याचा निर्वाळा दिला. या प्रकरणात आरोपीची बाजू ॲड. एम. बी. शर्मा, मोहन मोयल, मुन्ना खान यांनी मांडली.