गोंडपिपरी (जि. चंद्रपूर) : सध्या जिल्ह्याच्या दौऱ्यावर पंचायत राज कमेटी आहे. जिल्ह्यातील विविध भागातील विभागांना भेट देऊन ते कारभाराची पाहणी करीत आहेत. ही टीम आज गोंडपिपरी दौऱ्यावर होती. कमेटीचे अध्यक्ष रायमुलकर हे आक्सापूर येथील पिएसचीमधील ऑक्सिजन सिलेंडरची तपासणी करीत होते. याचदरम्यान सिलेंडरचा पाईप निघला. यामध्ये ते जखमी झाले असून त्यांच्या हाताला किरकोळ जखम झाली आहे. ही घटना आज दुपारच्या सुमारास घडली.

हेही वाचा - इथे सरपंचपदासाठी नव्हे तर उपसरपंचपदाची आहे चर्चा; कारणही आहे तसे हटके

पंचायत राजची संपूर्ण टीम सध्या चंद्रपूर जिल्ह्यात दौऱ्यावर आहे. आज ही टीम गोंडपिपरी तालुक्यात पोहोचली. टीमचे प्रमुख आमदार संजय रायमुलकर यांच्यासह संपूर्ण चमूने तालुक्यातील आक्सापूर येथील प्राथमिक आरोग्य केंद्राला भेट दिली. या केंद्राची पाहणी केल्यानंतर संजय रायमुलकर हे काही आरोग्यसेविकांना ऑक्सिजन सिंलेडरबाबत माहिती देत होते. याचदरम्यान सिलेंडरमधील पाईप निघाल्याने रायमुलकर जखमी झाले. त्यांच्या हाताला किरकोळ मार लागला. यावेळी त्यांच्यासोबत चमूसह जिल्ह्याचे मुख्य कार्यपालन अधिकारी राहुल कर्डीले उपस्थित होते. 

हेही वाचा - '...तर पुन्हा लॉकडाऊनची वेळ येईल, दक्षता बाळगा'

...अन् ग्रामस्थ धावले - 
सिलेंडरचा पाईप निघाल्याने आवाज येताच आक्सापुरातील नागरिकांनी घटनास्थळी धाव घेतली. रायमुलकर यांना झालेली जखम की किरकोळ स्वरूपाची असल्याने त्यांच्यावर प्राथमिक उपचार करण्यात आले. आक्सापूर येथे डॉ. तेलकापल्लीवार हे पशुवैद्यकीय अधिकारी कार्यरत आहेत. पण ते एकही दिवस कार्यालयात उपस्थित राहत नसल्याची तक्रार गावकऱ्यांनी केली. या तक्रारीची पंचायत राजच्या टीमने गंभीर दखल घेत चैकशी करून कारवाईचे आश्वासन दिले.