अमरावती ः बेलोरा विमानतळाच्या विस्तारीकरणाचा भूमिपूजन सोहळा शनिवारी (ता.13) होत आहे. त्यासाठी मुख्यमंत्री देवेंद्र फडणवीस अमरावतीत येत आहेत. सकाळी साडेदहा वाजता हा सोहळा आयोजित करण्यात आला आहे.
विस्तारीकरणामुळे 72 आणि 90 आसन क्षमता असणारी प्रवासी आणि मालवाहू विमाने बेलोराच्या धावपट्टीवर उतरू शकतील. विस्तारीकरणाच्या सोहळ्याला पालकमंत्री डॉ. अनिल बोंडे यांच्यासह आमदार डॉ. सुनील देशमुख व विभागातील लोकप्रतिनिधी उपस्थित राहतील.