अकोला : अपंगत्वाचे खोटे प्रमाणपत्र एका जणाने जिल्हा शल्य चिकीत्सकांकडे सादर केले होते. हे प्रमाणपत्र खोटे असल्याचे उघड होताच तक्रारीवरून अारोपीविरुद्ध सिटी कोतवाली पोलिस ठाण्यात गुरुवारी (ता. १३) विविध कलमान्वये गुन्हा दाखल करण्यात अाला. 

मूर्तिजापूर तालुक्यातील माना येथील चंदू किसनार खांडेकर यांनी २९ मार्च रोजी अपंगत्वाचे प्रमाणपत्र जिल्हा सहाय्यक जिल्हा सिव्हिल सर्जन यांच्याकडे दाखलकेले होते. या प्रमाणपत्रासह अारोपीची वैद्यकीय तपासणी  जिल्हा शल्य चिकीत्सक डॉ. राजकुमार  चव्हाण यांनी केली असता सदर प्रमाणपत्र हे बनावट असल्याचे अाढळून अाले. याबाबत वैद्यकीय अधिष्ठाता याना माहितीही देण्यात अाली होती. सदर प्रकरणी फियादी जिल्हा शल्य चिकित्सक डॉ. राजकुमार चव्हाण यांनी गुरुवारी सिटी कोतवाली पोलिस ठाण्यात तक्रार दाखल केली. या तक्रारीवरून अारोपी चंदू किसनराव खांडेकर याच्याविरुद्ध कलम ४२०, ४६८, ४७१ अन्वये गुन्हा दाखल करण्यात अाला अाहे.