लाखनी (जि. भंडारा) :  ३३ कोटी वृक्षलागवड योजनेअंतर्गत सावरी ग्रामपंचायतीने शासकीय जागेवर मोठ्या प्रमाणात रोपे लावण्यात आली. मात्र ही वृक्ष नष्ट करून लाखनी येथील आरोपी सीताराम डोमा गिरेपुंजे व रामकृष्णा सीताराम गिरेपुंजे यांनी त्या जागेवर नांगरणी करून अतिक्रमण केले. याबाबत पोलिसांनी गुन्हा दाखल केला आहे.

अवश्य वाचा : खरेदी जोमात, कोरोना कोमात; धनत्रयोदशीला नागरिकांची बाजारात प्रचंड गर्दी

ग्रामपंचायत सावरी येथे 2018-19 या वर्षात शासनाच्या 33 कोटी वृक्ष लागवड योजनेअंतर्गत ग्रामपंचायत हद्दीत गट क्रमांक 370 मधील शासकीय जागेवर शेकडो वृक्षांची लागवड केली होती.

जागा हडपण्यासाठी केली नांगरणी

या जागेलागत आरोपीची शेतजमीन आहे. सदर जागा हडपण्यासाठी आरोपीने त्या जमिनीवर नांगरणी केली. त्यामुळे जमिनीवर लावलेली वृक्षे नष्ट करण्यात आली. यामुळे ग्रामपंचायतीचे 16,500 रुपयांचे नुकसान झाले आहे, असा आरोप ग्रामपंचायतमार्फत दिलेल्या तक्रारीत नमूद केला आहे.याबाबत लाखनी पोलिसांनी पोलिसांनी सीताराम डोमा गिऱ्हेपुंजे व रामकृष्णा सीताराम गिऱ्हेपुंजे यांच्यावर गुन्हा दाखल केला आहे.

जाणून घ्या  : कमी दाबाच्या पट्ट्यामुळे विदर्भात ढगाळ वातावरण; थंडी पळविली आणि पावसाची शक्यता

अन्यथा न्यायालयात जाऊ
सदर जागा सावरी ग्रामपंचायतीची आहे. या जागेवर आम्ही अतिक्रमण होऊ देणार नाही. यासाठी उपोषण करावे लागले; तरी आम्ही मागे हटणार नाही. न्याय मिळविण्यासाठी आम्ही न्यायालयात जाऊ.
-सचिन बागडे
उपसरपंच, सावरी ग्रामपंचायत.

(संपादन : दुलिराम रहांगडाले)