विदर्भ

चतुर्वेदी-राऊत गटात पुन्हा उत्साह

सकाळ वृत्तसेवा
नागपूर : निलंबन वापसीनंतर कॉंग्रेसचे ज्येष्ठ नेते व माजी मंत्री सतीश चतुर्वेदी पुन्हा सक्रिय झाले आहेत. त्यांनी विखुरलेल्या कार्यकर्त्यांची जुळवाजुळव करणे सुरू केले आहे. गेल्या काही वर्षांपासून दुरावलेले कार्यकर्ते पुन्हा त्यांच्या खेम्यात परतू लागल्याने मुत्तेमवार-ठाकरे गट अस्वस्थ असल्याचे कळते.
महापालिकेच्या निवडणुकीत आपल्या समर्थकांना पुरेसे प्रतिनिधित्व दिले नसल्याने चतुर्वेदी नाराज झाले होते. त्यामुळे तत्कालीन प्रदेशाध्यक्ष अशोक चव्हाण, माजी केंद्रीय मंत्री विलास मुत्तेमवार तसेच शहर कॉंग्रेसचे अध्यक्ष विकास ठाकरे यांच्या विरोधात त्यांनी उघड पंगा घेतला होता. त्यांच्या समर्थकांनी अशोक चव्हाण यांच्यावर शाईफेक करून आपला रोष व्यक्त केला होता. तेव्हापासूनच शहर कॉंग्रेसमध्ये मोठी फूट पडली होती. चतुर्वेदी-नितीन राऊत-अनीस अहमद यांचा गट निर्माण झाला होता. सातत्याने पक्षविरोधी कारवाया करीत असल्याने अशोक चव्हाण यांच्या तक्रारीवरून चतुर्वेदी यांना सहा वर्षांसाठी निलंबित करण्यात आले होते.
लोकसभेतील पराभवानंतर अशोक चव्हाण यांचा राजीनामा मंजूर करण्यात आला. त्यांच्याऐवजी बाळासाहेब थोरात प्रदेशाध्यक्ष होताच त्यांनी चतुर्वेदी यांचे निलंबन रद्द केले. सोबतच नितीन राऊत यांना कॉंग्रेसने प्रदेशचे कार्याध्यक्ष केले आहे. त्यामुळे आता चतुर्वेदी-राऊत गटाचे वजन कॉंग्रेसमध्ये वाढत चालले असल्याचे दिसत आहे. दुसरीकडे अशोक चव्हाण, प्रदेश प्रभारी मोहन प्रकाश बदलल्यानंतर ठाकरे गटाची दिल्ली लिंक कमजोर झाली आहे. याचा फायदा घेऊन चतुर्वेदी-राऊत पुन्हा सक्रिय झाले आहेत. यासोबत विकास ठाकरे भाजपमध्ये जाणार असल्याची जोरदार चर्चा आहे. पक्षांतर्गत विरोधक यास आणखी हवा देत आहेत. त्यामुळे कार्यकर्ते संभ्रमात आहेत. ठाकरे गेल्यानंतर आपल्याला कोण विचारणार, याची चिंता त्यांना सतावत आहे. त्यामुळे अनेकांनी राजकीय सोयीचा मार्ग निवडला आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Also Read

IPL 2024 MI vs SRH: सूर्यकुमारचं तडाखेबंद शतक अन् मुंबईचा दणदणीत विजय; वानखेडेवर हैदराबादला दिला पराभवाचा धक्का

MI vs SRH: पहिलाच सामना अन् हेडचा उडवलेला त्रिफळा, पण झाला नो-बॉल; निराश झालेल्या अंशुलला बुमराह-हार्दिकने असा दिला धीर

Mumbai News : मुंबईतील कार्यालयीन वेळेत बदल होणार? रेल्वेच्या आवाहनाला ३३ कंपन्यांचा प्रतिसाद

Abhishek Ghosalkar: घोसाळकर कुटुंबियांना सीसीटीव्ही फुटेज दाखवा; हायकोर्टाचे पोलिसांना निर्देश

Mumbai Riots: मुंबईतील 1992च्या दंगलीतील खटले निकाली काढा; सुप्रीम कोर्टाचे सरकारला निर्देश

SCROLL FOR NEXT