नागपूर - शेतात फवारणी करण्याचे कीटकनाशक घेऊन मूल येथील सुधीर गजानन हुड (वय 40) या शेतकऱ्याने आज सकाळी आत्महत्या केली.

सुधीर व त्याचा भाऊ अतुल यांची मिळून सोळा एकर शेती आहे. सुधीरवर बचत गट आणि बॅंकेचे दीड लाखांचे पीककर्ज होते. कर्ज फेडायची त्याला चिंता होती. आज सकाळी शेतात पिकांवर फवारणी करताना शेतातच फवारणीचे कीटकनाशक प्राशन करून सुधीरने आत्महत्या केली.

कीटकनाशक घेतल्याचे कळताच त्याला मूल येथील उपजिल्हा रुग्णालयात दाखल करण्यात आले. उपचारादरम्यान त्याचा मृत्यू झाला. शेतकरी मेळाव्यासाठी आलेले विधानसभेतील विरोधी पक्षनेते विजय वडेट्टीवार यांनी उपजिल्हा रुग्णालयात जाऊन त्याच्या कुटुंबीयंची भेट घेऊन सांत्वन केले.