नागपूर - गोंदिया जिल्ह्यातील पीडित महिलेच्या कुटुंबीयांना शिवसेनेकडून दोन लाख रुपये मदत देऊ केली होती. परंतु त्यांनी ती घेतली नाही. इतरांकडून मदत न स्वीकारण्यासाठी त्यांच्यावर भाजप नेत्यांचा दबाव असल्याचा आरोप शिवसेनेच्या उपनेत्या सुषमा अंधारे यांनी केला. त्यांनी भाजप नेत्या चित्रा वाघ यांचाही समाचार घेतला. भाजप नेत्यांच्या इशाऱ्यावर सर्व काही होत असल्याचा आरोप अंधारे यांनी केला. यावेळी आमदार मनीषा कायंदे, सुजाता घाडगे उपस्थित होत्या.
पीडिता व तिच्या कुटुंबाची रविवारी भेट घेतल्यानंतर रविभवन येथे पत्रकारांशी बोलताना सुषमा अंधारे म्हणाल्या की, शिवसेनेच्या शिष्टमंडळातर्फे आम्ही सरकारी वैद्यकीय रुग्णालयात तिला भेटायला गेलो. तेव्हा सुरुवातीला आम्हाला तिथे कार्यरत महिला पोलिस शिपायांनी अटकाव केला. पीडितेसाठी आम्ही पक्षातर्फे दोन लाख रुपयाची मदत घेऊन आलो होतो. परंतु आम्हाला तिच्या कुटुंबाला भेटण्यासही नकार दिला गेला. याबाबत वरिष्ठ पोलिस अधिकाऱ्यांना विचारणा केली असताना त्यांनी कुठलेही आदेश नसल्याचे सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.