नागपूर : नंदनवन हद्दीतील कुख्यात गुंड शाहरुख ऊर्फ कसाई टोळीवर नंदनवन पोलिसांनी मोक्काची कारवाई करून त्यांची मध्यवर्ती कारागृहात रवानगी करण्यात आली. शाहरुख ऊर्फ कसाई शेख अक्रम (२४, हसनबाग), मो. नदीम ऊर्फ नद्दू मो. इब्राहिम (२२, हसनबाग), शेख जावेद ऊर्फ गोलू सय्यद अक्रम (१९, हसनबाग छोटी मशिदजवळ), शेख ऐफाज शेख अस्लम (२३, संजयनगर), शेख बशीर शेख अकील (१९, चांदनी चौक मशिदजवळ हसनबाग), शहेबाज खान शेर खान (२०, हसनबाग), वसंता ऊर्फ विक्की योगराज फरकुंडे (२०, नंदनवन झोपडपट्टी), सोहेल अली हसन अली (२०), तन्वीर हसनअली (२०) आणि फरदीन फिरोजखान (२०) अशी मोक्काची कारवाई करण्यात आलेल्या गुंडांची नावे आहेत.(Nandanvan police cracks down on notorious gangster Shah Rukh)

काही दिवसांपूर्वी गुंड वसंता ऊर्फ विक्की याची दुचाकी गणेश कळसाईत या गुन्हेगाराने घेतली होती. वसंता त्याला दुचाकी मागत होता. त्यावरून त्यांचा वाद सुरू होता. २४ ऑक्टोबर २०२१ रोजी रात्री ११ च्या सुमारास गणेशचा मित्र इरफान ऊर्फ भोला रऊफ खान हा त्याच्या मित्रासोबत बसला होता. सर्वच आरोपी इरफानच्या घरी आले. आरोपींनी धारदार शस्त्राने इरफानच्या पोटावर, डोक्यावर मारून त्याला ठार मारण्याचा प्रयत्न केला. गंभीर अवस्थेत त्याला जगनाडे चौकातील एका खासगी रुग्णालयात भरती करण्यात आले.(admitted to a private hospital at Jagannade Chowk in critical condition)

याप्रकरणी नंदनवनचे ठाणेदार अजय नगराळे यांच्या पथकाने गुन्हा नोंदवून आरोपींना अटक केली होती. शाहरुख व त्याच्या टोळीतील सदस्यांची दिवसेंदिवस वाढती गुन्हेगारी लक्षात घेता पोलिस आयुक्त अमितेश कुमार यांनी त्यांच्यावर मोक्काची कारवाई करून त्यांची मध्यवर्ती कारागृहात रवानगी केली. अजनी विभागाचे सहायक पोलिस आयुक्त गणेश बिरादार पुढील तपास करीत आहेत.