नागपूर : अभ्यासात ‘ढ’ असलेला मितेश मात्र रंगीला होता. चार गर्लफ्रेंडसोबत कायम संपर्कात राहून मौजमजा करीत होता. त्याचे स्वप्न विदेशात जाऊन मौजमस्ती (Dream of going abroad) करायचे होते. परंतु, आजीमुळे ते स्वप्न धुळीस मिळाले. याचा त्याच्या मनात राग होता. त्या रागाच्या भरात संधी साधून आजीचा काटा काढला (murder), असे सूत्रांनी सांगितले.

मौजमस्ती करण्याचा शौक असलेल्या मितेशला चार प्रेयसी (girlfriend) होत्या. त्यापैकी एक रामटेकमध्ये राहत होती. आई-वडील डॉक्टर असल्यामुळे ते सकाळीच हॉस्पिटलला निघून जात होते आणि थेट सायंकाळी परतत (Neglect of parents) होते. त्यामुळे वरच्या माळ्यावर मितेश एकटाच राहत होता. तर तळमजल्यावर आजारी आजोबा आणि आजी राहत होती.

मितेश हा अभ्यास आणि नोट्स देण्याचा बहाणा करून चारही प्रेयसीला घरी बोलवत होता. परंतु, त्या प्रेयसींना आजी दरवाज्यातच अडवून चौकशी करीत होती. त्यानंतर मितेशच्या खोलीत वारंवार जाऊन तरुणीवर लक्ष ठेवत होती. त्यामुळे आजी ही तिला प्रेमात अडसर ठरत होती. त्यामुळे तो आजीच्या रोखटोकला कंटाळला होता. त्यामुळे आजीचा काटा काढण्याचा प्लान त्याने केला होता.

‘गॅंगस्टर’ कॉल मी

मितेशला दारूचे व्यसन होते. तसेच तो नियमित जिमला जात होता. जिममुळे तो स्टेरॉईडचे घेत असावा. बॉडीबिल्डर असलेल्या मितेशला त्याची प्रेयसी प्रेमाने ‘गॅंगस्टर’ म्हणत होती. मितेशच्या प्रेयसीने वारंवार कॉल केला. परंतु, त्याने तिला प्रतिसाद दिला नाही. त्यादरम्यान तो आजीचा खून करण्यात व्यस्त होता. त्यामुळे त्याच्या एका प्रेयसीने त्याला ‘गॅंगस्टर, कॉल मी.’ असा मॅसेज टाकला.

आई-वडिलांचा विश्‍वासच बसेना

डॉक्टर दाम्पत्याला एकुलता असलेला मितेश थेट आजीचा खून (Grandmother's murder) करेल, यावर आई-वडिलांचा विश्‍वास बसत नव्हता. मितेश असे करूच शकत नाही, यावर आई ठाम होती. शेवटी पोलिसांनी तिची आणि मितेशची भेट घालून दिली. त्यावेळी मितेशने आजीचा खून केल्याची कबुली दिली. ‘बाबा... आईची काळजी घ्या’ एवढे बोलून मितेश ढसाढसा रडायला लागला.