Nagpur Crime Killer Arrested: खुनाच्या आरोपाखाली सहा वर्षापासून फरार आरोपीला अटक करण्यात गुन्हे शाखेच्या युनिट पाचच्या पथकाला यश आले आहे. पोलिसांनी नविन कामठी पोलिस ठाण्याच्या रामगड परिसरातून त्याला सापळा लावून अटक केली. जहुर खान वल्द रहीम खान (वय ६०, रा. ओडिशा) असे आरोपीचे नाव आहे.

१९ मार्च २०१८ साली रात्री बारा वाजताच्या सुमारास शेख अलताफ शेख जमील (वय ३८, रा. नवीन कामठी) हे परिवारासह घरी असताना जहुर खान आणि त्याच्या २१ साथीदारांनी जुन्या भांडणातून कुटुंबावर शस्त्रासह हल्ला करीत, शेख ईकबाल वल्द शेख जमील (वय ३७) याचा खून केला होता. (Latest Marathi News)

याशिवाय समीर शेख, जहीना बी व शेख अलताफ यांना जखमी केले होते. यातील २० आरोपींना अटक करण्यात आली होती. मात्र, जहुरसह आणखी एक आरोपी फरार होता. दरम्यान जहुर परिसरात फिरत असल्याची माहिती युनिट पाचचे पोलीस निरीक्षक राहुल शिरे यांना मिळताच, त्यांनी सापळा रचून त्याला ताब्यात घेतले.