Nagpur Crime: मॅट्रोमोनी ॲपवरून युवतीशी ओळख करून तिला लग्नाचे आमिष दाखवीत अत्याचार करणाऱ्या अभियंत्याविरोधात प्रतापनगर पोलिसांनी गुन्हा दाखल केला.
विशाल सुखदेव घोडेस्वार (वय २९, रा. सितापूर, मूर्तिजापूर, अकोला) असे आरोपी अभियंत्याचे नाव आहे.

पोलिसांनी दिलेल्या माहितीनुसार, विशालने २९ वर्षीय युवतीशी मॅट्रोमोनी ॲपवरून ओळखी केली. तिच्याशी लग्न करायचे असल्याचे सांगून त्याने तिला भेटण्याची गळ घातली. युवतीने त्याला नागपूरला भेटायला बोलाविले. काही भेटींमध्ये दोघांचीही चांगली मैत्री होऊन प्रेमसंबंध निर्माण झाले.

याचा फायदा घेत, त्याने तिला लग्नाचे आमिष दाखविले. दरम्यान काही दिवसांपूर्वी तिला प्रतापनगर हद्दीतील एका हॉटेलमध्ये बोलाविले आणि तिच्यावर अत्याचार केला. त्यानंतर त्याने तिच्याशी संपर्क कमी करण्यास सुरवात केली. युवतीने त्याला लग्नासाठी विचारणा केल्यावर त्याने नकार दिला. याप्रकरणी तिने दिलेल्या तक्रारीवरून पोलिसांनी गुन्हा दाखल करीत त्याचा शोध सुरू केला आहे. (Latest Marathi News)