कोरपना : तालुक्यातील एका गावातील तीन वर्षीय बालिकेवर तिच्या चुलत भावाने लैंगिक अत्याचार केल्याची घटना सोमवारी उघडकीस आली. या प्रकरणी कोरपना पोलिसात आरोपीविरुद्ध गुन्हा दाखल करण्यात आला आहे. तीन वर्षीय बालिकेची तब्बेत बिघडली असता, तिच्या आईने तिला ग्रामीण रुग्णालय कोरपना येथे वैद्यकीय तपासणीसाठी आणले. यासंबंधी बालिकेला आईने विचारले असता तिने घटनेबद्दल माहिती दिली.

याप्रकरणी २२ वर्षीय आरोपीविरुद्ध पोस्कोअंतर्गत गुन्हा दाखल करण्यात आला. आरोपीला अटक करून न्यायालयासमोर सादर करण्यात आले. न्यायालयाने त्याला ३१ तारखेपर्यंत पोलिस कोठडी सनावली. घटनेचा पुढील तपास ठाणेदार एकाडे यांच्या मार्गदर्शनाखाली पीएसआय खेकाडे व कोरपना पोलिस करीत आहे.