नागपूर : पोह्यांनी भरलेली कढई.. चणे (हरभरा), टोमॅटो, उकळत्या तर्रीने भरलेला गंज अन् गरम गरम कच्चा कांदा (Onion) सर्व्ह करून बनविलेले पोहे खाण्यासाठी खाद्य प्रेमींची जमलेली गर्दी. हे चित्र नागपूरकरांसाठी (Nagpur) नवीन नाही. नागपूरच्या अशा विविध खाद्यांना सातासमुद्रापार पोहोचविण्यात नेटकऱ्यांचा मोठा हातभार आहे. यामुळेच भारताची ‘स्ट्रीट फूड राजधानी’ (Street Food Capital) म्हणून नागपूर शहर या नेटकऱ्यांमध्ये प्रसिद्ध आहे. (Nagpur is now the capital of street food)

इंस्टाग्राम, फेसबुक, मीम्स, रील्स, आयजीटीव्हीच्या माध्यमातून नेटकऱ्यांनी नागपूरमधील खाद्य संस्कृती आज जगभरामध्ये पोहोचवली आहे. विशेषतः पोहे, चाट, सावजी सारख्या खाद्य पदार्थांवरील डिजिटल कंटेंट आजही व्हायरल होतो आहे. या ब्लॉगर्सच्या पोस्टवरील लाईक्स, त्यांचे फॉलोअर्स यावरून या पदार्थांची ओढ इतर प्रदेशातील किंवा राज्यातील व्यक्तींना असलेली पाहायला मिळते. त्यामुळे नागपूरमध्ये आल्यावर तर्री पोह्यांसह या पदार्थांची चव चाखायला हमखास बाहेर पडतो.

सोशल मीडियावरील विविध प्रकारच्या पोस्टमुळे अनेक फुटपाथवर विक्री करणाऱ्या व्यावसायिकांनीही आपली ओळख निर्माण केली आहे. या फेरीवाल्यांकडील पदार्थांची विशेषत: खाद्य प्रेमींपर्यंत पोहोचविण्यात या नेटकऱ्यांचा मोठा हातभार आहे. प्रामुख्याने खाद्यावर प्रेम करणारे नेटकरी या प्रकारचा कंटेंट तयार करण्यात रस दाखवितात. डिजिटल कंटेंटची ‘भूक’ भागविण्यासाठी विविध फंड्यांचा नेटकऱ्यांकडून वापर होतो आहे.

(Nagpur is now the capital of street food)