नागपूर : जिल्ह्यातील १३ पंचायत समित्यांच्या सभापती व उपसभापतीसाठी शनिवारी(ता.१५) निवडणूक होत आहे. काँग्रेसने काही निवडक लोकांना निवडणुकीची जबाबदारी दिली आहे. १३ पैकी १० पंचायत समित्यांवर काँग्रेसने दावा केला आहे. राष्ट्रवादीने तीन पंचायत समित्यांवर दावा केला आहे.

शितलवाडीः पं.स.रामटेकच्या सभापती व उपसभापतींचा अडीच वर्षांचा कार्यकाळ संपल्यानंतर पुढील उर्वरित कालावधीसाठी १५ ऑक्टोबर रोजी निवडणूक होत आहे. तहसीलदार बाळासाहेब म्हस्के यांच्या अध्यक्षतेखाली निवडणूक प्रक्रिया होणार आहे. त्याच दिवशी उमेदवारी अर्ज भरणे, माघार घेणे आणि आवश्यकता भासल्यास निवडणूक प्रक्रिया पार पडणार आहे. सभापतीपद सर्वसाधारण प्रवर्गासाठी राखीव असल्याने सर्वांच्या सभापती होण्याची आशा पल्लवित झाल्याने ही निवडणूक पक्षश्रेष्ठींसह सदस्यांसाठीही गुंतागुंतीची ठरली आहे.