नागपूर : तामिळनाडू राज्यातील रामेश्वर येथे देशभरातील एक हजार विद्यार्थी शंभर उपग्रह तयार बनवीत आहे. ते उपग्रह अंतराळात सात फेब्रुवारीला सोडण्यात येणार आहे. ५० ते ८० ग्रॅमचा एक उपग्रह अंतराळात घडणाऱ्या प्रत्येक माहिती टिपणार आहेत. विशेष म्हणजे हेलियम बलूनने ते अवकाशात सोडण्यात येणार आहे. या उपक्रमात नागपूरच्या सुरेंद्रगड हिंदी माध्यमिक शाळेतील दोन मुलींचा समावेश आहे.

डॉ. ए.पी.जे. अब्दुल कलाम इंटरनॅशनल फाउंडेशन जागतिक रेकॉर्डसाठी प्रयत्न करीत आहे. यात देशभरातून शालेय व महाविद्यालयीन युवकांची निवड केली जात आहे. शालेय जीवनात अंतराळ तंत्रज्ञानाविषयी जिज्ञासा निर्माण करून भविष्यात स्पेस टेक्नॉलॉजीमध्ये विद्यार्थ्यांचे योगदान वाढावे यासाठी हा उपक्रम आहे.

यात जगातील सर्वात कमी वजनाचे १०० उपग्रह बनवून ७ फेब्रुवारी रोजी ४० हजार मीटर उंचीवर सोडण्यात येणार आहे. सेंसर असलेले हे उपग्रह प्रत्यक्ष वातावरणाची माहिती घेऊन पृथ्वीवरील केंद्राला पाठवतील. यामध्ये प्रामुख्याने मॅपिंग, हवामान, त्यातील वायू आणि पुंज (क्वॉंटम) यांचा समावेश आहे. यासाठी काजल शर्मा आणि स्वाती मिश्रा यासाठी जोरात तयारी करीत आहेत.

जाणून घ्या - 'त्या' चौघांचे मृतदेह बघून आई-वडिलांनी फोडला टाहो; हिवरा-हिवरीत शोककळा; सरपंचांनाही अश्रू अनावर

१८ ते २२ दरम्यान नागपूर किंवा पुणे येथे ऑफलाइन प्रशिक्षण होणार आहे. यात उपग्रह बनविण्याचे प्रशिक्षण देण्यात येणार आहे. सोबतच ते बनविण्यासाठी आवश्यक असलेली कीट सुद्धा दिली जाणार आहे. विशेष म्हणजे यासाठी विज्ञान शिक्षिका दिप्ती बिष्ट यांनी विशेष प्रयत्न घेतले आहे. त्यातून आज विद्यार्थिनींना जागतिक दर्जा मिळविता येणे शक्य झाले आहे.

संपादन - नीलेश डाखोरे