नागपूर : कोविड उपचारांसाठी (Covid treatment) खासगी रुग्णालयांमध्ये येणारा अवाच्या सव्वा खर्च थांबविण्यासाठी आणि सर्वसामान्यांना दिलासा देण्याच्या दृष्टीकोनातून खासगी रुग्णालयांच्या उपचाराचे दर निश्चित (Private hospital treatment rates fixed) करण्यात आले आहे. विशेष म्हणजे राज्य सरकारने आता शहरांचे वर्गीकरण करून दर निश्चित (Rates fixed by categorizing cities) केले आहे. नागपूर अ वर्गात असून, शहरात विलगीकरणासह व्हेंटिलेटर आयसीयूचा दर नऊ हजार रुपये प्रतिदिन निश्चित करण्यात आला. (Rate-of-covid-treatment-fixed-in-Nagpur)

खासगी रुग्णालयात कोरोना बाधित रुग्णांवर उपचारासाठी ८० टक्के खाटांसाठी शासनाने निश्चित केलेल्या दरानुसार व उर्वरित २० टक्के खाटांसाठी खासगी रुग्णालयांनी निश्चित केलेल्या दरानुसार दर आकारणी करण्याबाबतची अधिसूचना संपली. मंगळवारी राज्य सरकारने या अधिसूचनेस मुदतवाढ देताना त्यात शहरांच्या वर्गीकरणानुसार सुधारणा केली आहे.

यापूर्वीच्या अधिसूचनेत मोठ्या शहरातील रुग्णालये व अति दुर्गम भागातील रुग्णालयांसाठी उपचारांचे दर एकच होते. शहरांच्या वर्गीकरणामुळे आता उपचारांच्या खर्चात मोठा दिलासा मिळणार आहे. दरासाठी शहरांची अ, ब, क अशी वर्गवारी करण्यात आली आहे. नागपूर अ वर्गात असल्याने शहरातील नागरिकांना अधिक दिलासा नसला तरी ग्रामीण भागात ब व क नगर परिषद परिसरात तुलनेने कमी खर्चात उपचार शक्य होतील. यामध्ये आवश्यक ती देखरेख, नर्सिंग, चाचण्या, औषधे, बेड्सचा खर्च व जेवण याचा समावेश. कोविड चाचणीचा खर्च निश्चित केलेल्या दराप्रमाणे द्यावा लागेल. केवळ मोठ्या चाचण्या व तपासणी तसेच उच्च पातळीवरील औषधी यातून वगळली आहेत.

शहरासाठी निश्चित दर

विलगीकरणासाठी प्रती दिन - ४ हजार रुपये

व्हेंटिलेटरसह आयसीयू व विलगीकरण - ९ हजार रुपये

केवळ आयसीयू व विलगीकरण - ७ हजार ५०० रुपये

(Rate-of-covid-treatment-fixed-in-Nagpur)