samruddhi mahamarg accident news : समृद्धी महामार्ग हा त्यावर होणाऱ्या सततच्या अपघातांमुळे नेहमीच चर्चेत असतो. या रस्त्यावर झालेल्या भीषण अपघातात शेकडो प्रवाशांनी जीव गमवला आहे. दरम्यान या महामार्गावर होणाऱ्या अपघातांचं सत्र काही थांबताना दिसत नाहीये. आता केमिकल घेऊन जाणाऱ्या एका ट्रकचा समृद्धी महामार्गावर भीषण अपघात झाला.

नाशिकहून नागपूरच्या दिशेने निघालेल्या ट्रकचा बुलढाण्यातील मेहकरजवळ अचानक समोरील टायर फुटला. त्यामुळे ट्रक अनियंत्रित होऊन डिव्हायडरला जाऊन धडकला. या अपघातात ट्रकला अचानक आग लागली.या आगीत ट्रक पूर्णपणे जळून खाक झाला आहे.

ट्रकचालक आणि वाहकाने वेळेवर ट्रकबाहेर उडी घेतल्याने सुदैवाने या अपघातात कोणतीही जीवितहानी झाली नाही. या अपघातानंतर महामार्गावरील वाहतूक काही काळ ठप्प झाली होती. घटनेची माहिती अग्निशमन दलाचे जवान घटनास्थळी दाखल झाले. यानंतर ही आग आटोक्यात आणण्यात आली.