सिंदखेड राजा - तालुक्यातील किनगांव राजा येथील ग्रामदैवत श्री कामाक्षा देवीच्या दरबारात गुढी पाडव्याच्या निमित्ताने मराठी नवीन वर्षाचे स्वागत करण्यासाठी सुमारे चारशे वर्षांची धार्मिक परंपरा असणारा हिंदू देवतांच्या सोंगांचा उत्सव सोहळा मोठ्या उत्सवात साजला केला गेले. यादिवशी गांवातील सर्व धर्माचे लोक व बाहेर गांवा वरून सर्व भाविक दर्शना साठी येत असतात.

सुमारे ४०० वर्षांपूवी सिंदखेड राजा येतील राजे लखुजीराव जाधव यांच्या कालखंडात किनगांव राजा येथील गडीवर ग्रामदेवता कामाक्षा देवीची प्रतिष्ठापना केली होती. सर्व जाती धर्मातील व्यक्तींना सोंगांच्या या पवित्र सोहळ्यात मान दिला जातो. देवीचे ख़ास भक्त समजल्या जाणाऱ्या मातंग समाजाच्या ताटीला मिरवत आणून सोंगांच्या कार्यक्रमाची सुरुवात होते. कार्यक्रमाला श्रीकृष्णा च्या भव्य अशा मिरणूकीने सुरुवात होते, व श्रीकृष्णाच्या मिरणूकीची गांव प्रदक्षिणा होते. सोंगाच्या अशा मुख्य कार्यक्रमास रात्री सुरुवाती होते.या सोंगाचा कार्यक्रम पाहण्यासाठी गांवातील शेकडो महिला पुरुष व युवक पाहण्यासाठी उपस्थित राहत असतात. व मुख्य कार्यक्रमास सुरुवात होते, त्यामध्ये नाभिक समाजाचे लिंबाड्याचे सोंग, यानंतर एका मागे एक गणपती सोंग, सरस्वती सोंग, महादेव पार्वतीसोंग, केवट समाजाची मासोळी सोंग तसेच रावणताटी सोंग, भस्मासुर बाणासुर आख्यान, श्रीराम दरबार, श्रीकृष्ण राधा या रामायण व महाभारतातील कथाचा सारच यामध्ये असतो.

पाडाव्या प्रसंगी 'सिदाराम' या प्रसिद्ध कवी हे कामाक्षा देवी चे भक्त होते. त्यावेळी त्यांचे नाट्य सादर केले जात होते, तेव्हा पासून आजपर्यत सुरु आहे. या कार्यक्रमातून सीदाराम यांना चमत्कार झाल्याने पिढ्यान पिढ्या 'सीदाराम काव्य' गांवामध्ये पाडाव्याच्या रात्री रचित लावण्यांचा कार्यक्रम कलावंतिनिच्या नृत्याद्वारे सादर केल्या. सकाळी पाच वाजेपासून सोहळ्यातीत सर्वात महत्वाच्या कार्यक्रमाला सुरुवात होते.

ज्या व्यक्तिने हर्रासी पद्धतीने विशिष्ट रक्कम देऊन पाडवा घेतलेला असतो त्या व्यक्तीच्या घरातील सदस्यांना देवीच्या सोंगाचा मान दिल्या जातो. व व्यक्तीला पाच दिवसांचे कड़क उपवास देवीचे सोंग घेणाऱ्या व्यक्तींना करावे लागते. गांवातील सर्व महिला घरासमोर सकाळीच रांगोळी, सडा समार्जन करून  देवीच्या सोंगाचे स्वागत केले जाते. कामक्षा देवीचे सोंग गांव प्रदक्षिणा पुर्ण करते. एक अशा रोमहर्षक विवाह सोहळा होतो तो देवलोकतील विविध लग्न सोहळ्याचा आधार घेऊन या ठिकाणी लग्न सोहळा आयोजीत केला जातो. या लग्न सोहळ्या मध्ये गांवातील विविध समाजातील लोकांना मान दिला जातो. त्यामध्ये लग्नाचा आहेर, सुंगधी अत्तर, नवरदेव, परण्या, गाडी बैल, घोड्या ऐवजी म्हैसी वर बसून मिरवणूक काढली जाते. मनोरंजक असा लग्न सोहळा साजरा करण्यात आला. लग्न प्रसंगी विविध संवाद मांडले जातात.

शेवटी कुस्त्यांचा कार्यक्रम आयोजित केला जातो,कुस्त्या मध्ये अनेक जिल्ह्यामधून नामांकित पहेलवान हजेरी लावण्याचे पहायला मिळाले.परिसरातीत भाविक भक्तांसाठी अत्यंत पवित्र समजल्या जाणाऱ्या या सोहळ्याचे नियोजन श्री कामक्षा देवी मंदिराचे पारंपारिक विश्वस्थ राजे जाधव परिवार करत असतात.पाडव्याच्या कार्यक्रमासाठी सहाय्यक पोलिस निरीक्षक युवराज रबडे व पोलीस उपनिरीक्षक चिरडे यांच्या मार्गदर्शनाखाली चोख बंदोबस्त ठेवण्यात आला होता.