एटापल्ली -  जिवनगट्टा गावातील पोचू पांडु नरोटे वय 50 वर्ष यांचे घरी स्थानिक गुन्हे शाखा गडचिरोलीच्या पथकाने टाकलेल्या धाडीत तिन लाख 27 हजार रुपये किंमतीचा अवैध दारू साठा जप्त करण्यात आला असुन चार आरोपींवर गुन्हे दाखल करण्यात आले आहेत.

मुख्य आरोपी पोचू नरोटी याला अटक करण्यात आली असुन इतर तिघे फरार झाले आहेत. पोचू नरोटे याचे सांगण्यावरुन त्याचा मुलगा सुनिल पोचू नरोटे, पुतण्या राजू नरोटे (सर्व राहणार जिवनगट्टा) व ठोक अवैध दारु पुरवठादार सुजल मंडल (चामोर्शी) यांचेवर एटापल्ली पोलिसात गुन्हे दाखल करुन शोध घेतला जात आहे  

तालुक्यात अवैध दारू, सुगंधित तंबाखू, गांजा व जुगार अड्डे व्यवसायांना उधाण आल्याची ओरड नागरिकांकडून होत असतांनाच वरिष्ठ पोलीस प्रशासनाने दखल घेवून केलेल्या कार्यवाहीने अवैध व्यवसायिकांचे धाबे दणाणले आहे. अशा अवैध व्यवसायात राजकीय पक्षांचे कार्यकर्ते तसेच पोलिस कर्मचा-यांचे नातेवाईक गुंतले असल्याने नागरिक तक्रार करण्यास घाबरतात. मात्र या कारवाईतून पोलिस प्रशासनाने नागरिकांमधली भिती दूर केली असल्याचे दिसून येते

सदर कारवाई जिल्हा पोलिस अधीक्षक अभिनव देशमुख यांचे मार्गदर्शनात स्थानिक गुन्हे शाखेचे पोलिस उपनिरीक्षक युवराज घोडके, प्रदीप चवरे, अंकुश धांडे व इतर कर्मचा-यांनी केली आहे पुढिल तपास एटापल्ली पोलीस करीत आहेत.