महागाव (जि. यवतमाळ) : लोअरपूस धरणासमोरील नदीपात्रात बुडून तरुणाचा मृत्यू झाला. पवन विजय चव्हाण (वय 22, रा. वेणी) असे मृताचे नाव आहे. या घटनेने परिसरात हळहळ व्यक्त होत आहे.
बुधवारी (ता. 5) पवन हा मित्रांबरोबर धरणावर पोहण्यासाठी गेला होता. त्याला व मित्रांना पोहता येत नव्हते. त्यामुळे नदीपात्रातील पाण्याचा अंदाज न आल्याने पवनचा बुडून मृत्यू झाला. विशेष म्हणजे, या धरणावरील ही चौथी घटना आहे. धरणावरील प्रवेशद्वारावर दिवसा आणि रात्री सुरक्षारक्षक राहात नसल्याचे नागरिकांचे म्हणने आहे. या ठिकाणी सुरक्षारक्षक नियुक्त केल्यास अशा घटना घडणार नाही. त्यामुळे वरिष्ठ अधिकाऱ्यांनी या धरणाकडे लक्ष घालावे, अशी मागणी नागरिकांनी केली आहे.