पिंपरी : ताथवडे या गावाला प्राचीन इतिहास व जुनी परंपरा आहे. ढाल, तलवारी व धनुष्यबाण हातात घेऊन लढणाऱ्या वीरांच्या स्मृतीशिल्पांवरून हा इतिहास प्रकाशझोतात येत आहे. गावाचा रक्षक म्हणून ताथवडे चौकात असलेल्या या स्मृतीशिल्पांची नागरिक मनोभावे पूजा करतात. जवळपास 16 वृंदावन व एकल प्रकारातील मध्ययुगीन काळातील हे स्मृतीशिल्पे आहेत. यातील शिल्पांवर शेंदूर लावलेला आहे. मात्र, आजही ती सुस्थितीत आढळून आलेली आहेत. ताथवडेमध्ये श्री नरसिंहाचे प्राचीन मंदिर ग्रामदैवत आहे. पूर्वीचे लाकडी माडीचे मंदिर होते. विष्णूच्या दशावतारातील हा एक अवतार आहे.  (व्हिडिओ-संतोष हांडे)