टोकियो ऑलिंपिकमधील पदकाच्या दुष्काळाला पूर्णविराम दिल्यानंतर भारतीय पुरुष हॉकी संघाने पॅरिस ऑलिंपिकमध्येही पदकावर आपली मोहोर उमटवली आहे. कर्णधार हरमनप्रीत सिंगने ३०व्या आणि ३३व्या मिनिटाला दोन जोरदार गोल करत विजयात मोलाची भूमिका बजावली, तर गोलरक्षक पी. आर. श्रीजेशने अप्रतिम बचाव करून संघाचा विजय निश्चित केला. गुरुवारी झालेल्या ब्राँझपदकासाठीच्या लढतीत भारतीय हॉकी संघाने स्पेनला २-१ असे पराभूत करत सलग दुसऱ्यांदा ऑलिंपिकमध्ये पदक जिंकण्याची किमया साधली आहे. भारतीय हॉकी संघाने तब्बल ५२ वर्षांनंतर अशी कामगिरी केली आहे